السلام عليكم ورحمه الله وبركاته
انا ولدي عمر 4 سنوات ولا يتكلم الا ماما بابا جدو بس ما يعرف يتكلم ابدا حتى لو يبي ماء بس ياشر دون ما يتكلم
وانا ساكنه مع اهل زوجي وكان عندنا ضيوف المهم كل الاولاد اللي بعمره واكبر منه بشوي يلعبو وطردوه من اللعبه علشلنهم يقولون انه يخرب عليهم وما يعرف يتكلم هو صار يبكي وانا تقطع قلبي
كلمت امي اليوم قلت ابغى انزل الشرقيه علشان اخذ موعد مع دكتور نطق
انتم يابنات بشنو تنصحوني هل حالته تحتاج لدكتور وكيف اقدر اساعده واعلمه الكلام
معزوفه الحنين @maazofh_alhnyn
عضوة جديدة
يلزم عليك تسجيل الدخول أولًا لكتابة تعليق.
الـبراءة
•
والله اني اعرف اثنين من قرايبنا ما صارو يتكلمون الا وهم خمسه سنين والثاني يوم دخل المدرسه صار يتكلم
الأفضل حبيبتي اعرضيه على اخصائي نطق انا كمان بنتي متأخرة كثييييييير في النطق وتقطع قلبي لما أشوف الي بعمرها وسواليفهم ماشاء الله اللهم احلل عقدة لسان ابنتي وابن معزوفة الحنين وانطقهم جيدا عاجلا غير آجل
الصفحة الأخيرة
مثل امسكي قصة اطفال ومن كل صفحه كرري كلمه معينه ورح يحفظها
وخليه يحتك باطفال كثير ياما اطفال عند اهلك او بالمولات
اهم شي لاتخلينه عند الشغاله كثير ومايطلع وبعدين يتعود على قلة الكلام
ان شاء الله مافيه الا العافيه