بنتي كانت هيك وتكره اي حد يسالها شو اسمك وماتعرف بحسها شو الجواب


والان ماشاء الله عليها بتغير
وانا لاحظت اتغيرت بنتي لما اختلطت بالناس لانوا كنا بغربه ولما ارجعنا بلدنا صار فرق
وللعلم ارجعت لما صار عمرها 3 سنين
يعني كانت بعمر ابنك ننفس ابنك

طيب يفهم عليك يناظر لك يلعب معك لازم يشوفه دكتور نفسي اطفال واذا كنتي تشغلين له التلفزيون قنوات اطفال قفليه ولا تعطينه الجوال ابدا وسولفي معه كثير والعبي معه الله يطمن قلبك عليه

طيب هو بيفهم الاوامر ؟ ويتكلم ؟ بيجلس على التلفزيون والجوأل او الايباد؟ لان الاجهزه هي السبب الرئيسي انتبهي وحاولي تسولفين معه كثيييير العبي معه تركيبات وعلميه العد من 1 الى 3 انخشي وخليه يدورك انا ولدي في عمره واسويله كذا وبسم لله عليه ينبسط مره

كيف يرد على اسمه اذا ماكان يعرف ان هذا الاسم له ؟

علميه ان الاسم خاص فيه ،، خلي ابوه يتخبى على جنب بمكان او زاويه مايشوفه ولدك ،، وكرري وين بابا ؟ويطلع لكم لانكم ناديتوه وانبسطو وصفقو له .

ونفس الكلام لك انتي تخبي وينادي عليك زوجك وين ماما ؟ وتطلعي له وانبسطو .. راح يفهمها انها لعبه لكن ممتعه وفيها تفاعل كبير بينكم ،، وراح يستوعب مع التكرار ان انتي ماما والشخص الثاني بابا .

اذا لقيتي فرصه يكون لوحده بالصاله مثلا وانتي بالمطبخ نادي عليه من بعيد بدون مايشوفك ،، وروحي لمكانه واشري عليه باسمه وافرحي انك لقيتيه .. راح يستوعب ان هذا الاسم له .

كررو هالشي لايام مو يومين ثلاثه وتتركو الموضوع .


راح يتعلم شوي شوي لاتخافي عليه .. مو كل الاطفال لهم نفس التطور اللغوي .

بعضهم مايحب يتعلم الكلام لانه واثق ان الكل يفهمه خصوصا انتي بدون مايضطر يتفاعل معهم لغويا.

وبعضهم مايحب يتعلم اللغه الا من اطفال مثله ،، اما الكبار مايتقبل منهم شي .

مو لانه وحيد ومو لاقيه تفاعل معه دليل على التوحد ،، انا وسوست ببنتي وكانت حالتها صعبه كثير من اول ماولدتها وهي رافضه تتفاعل معي نهائي.

الان الحمدلله حالتها افضل بكثير .. خصوصا لما تلاقي اطفال ثانيين تتفاعل معهم بشكل مقبول .

نصيحه بما ان طفلك كذا حالته لاتطولي حتى تجيبي طفل اخر يعينك على كسر صمته ،، والله ان تربية طفلين صغار صعبه لكن جدا جدا مفيده لهم خصوصا للطفل الاول .

راح يستوعب انه ضروري لازم يكون فيه حلقة وصل للتفاعل مع الطفل الاخر اللي هو الكلام ،، ويسليه ويلعب معاه ومايحس بالوحده ابد حتى لو كان فيه بينهم شوي غيره او شقاوة .

الله يعينك ويخفف عنك .

شوفي ان شاء الله طبيعي بنت خالتي توها بدات ترد وتجاوب ع اهلها وتطالع فيهم بعمر سنتين ونص وكانت امها نفس وضعك خايفه ومسوسه وتوديها دكتورات
والحين نطقت ماشاء الله وصارت ترد وتلعب وتحفظ ارقام وحروف بس ترى طيور الجنه والجوال يقضي ع التواصل عند الطفل شيلي منه كل الاجهزه واحذفي قنوات الاطفال اتركي براعم بس ودايم سولفي معاه وناديه وترى ممكن يكون ذكاء والولد عبقري ومشغول وبعدها بيصدمك اذا بدا يسولف الله يحميه ويفرحك فيه ويبعد عنه كل الامراض