ولدي ما يبي يأكل إلا من ؟؟؟؟؟؟

عاااااااااااااااااااادي تعاااااملي مع الموضوع بهدوووووووووء ..
اسمعي انا كان ولدي مثل ولدك وانا بصراحه ما همتني الفلوس قد ما تهني صحته لان الوجبات السريعه ما منها فايده وما وراها الا السمنه والمشاكل ..
اتفقت معه قلت له كل اسبوع في الويك اند اشتري لك وجبه ..
في البدايه ما كان ياكل من اكلي وبعدها ما شديت عليه ابد احط الأكل واناديه اذا قال مابي اقول له براحتك ..وهكذا الى ان اقتنع والحين والله حتى في الإجازة اذا كنا طالعين العاب وشرى مثلا فوشار وايس كريم خلاص ماعاد يقول ابي وجبه ما صارت في باله ..
بس لاحظي انا ما شديت معه مشيت الوضع عااااااااادي جدا وهو مع الوقت صدقيني بيتعود ..
يعني كل ممنوع مرغوب لا تحسسينه ان هذا الأكل ممنوع ..
بس وضحي له ان هذا مبدأ لازم تتفقون عليه وتطبقونه ..
وممكن بعدين مو الحين تقولين له ان هذا الاكل مو مفيد مرة وان ممكن بدل ما اشتري لك ب 10 ريال وجبه توفرها وتشتري فيها بعدين الشي اللي تبيه ...
ان شاء الله اكون افدتك :)

صراحة غريب أمره ولدج صح أنا معاج كلنا نحب أكل المطاعم و الفاست فوود و خاصة المراهقين بس عاد مو كل يوم أول شي لأنه يبيلها ميزانية عودة و ثاني شي تمتن الواحد بسرعة و الأهم من ذي ان الواحد بسرعة يتملل منها خاصة إذا بياكلها كل يوم و أنا أقوولج هالكلام من واقع تجربة يعني لما كنت بالجامعة اضطريت في فترة معينة إني ما أتغدى الا هناك و مطاعم الجامعة كلها فاست فوود و طبعا تمللت مع الوقت و حسيت أن أكلهم كله متشابه و كنت وايد أشتاق حق أكل البيت و حق طباخ أمي ..
معليج منه لا تطاوعينه و تييبين له فاست فوود كلما بغى ترى كثرته يسبب السمنة و الكوليسترول و مارده بيرضى بالأمر الواقع و بياكل من اكل البيت غصبا عنه ..
معليه حاولي تقسين عليه شوي بس هالشي في مصلحته و مو كل شي يبونه عيالج لازم ترضينهم فيه لازم تسوين الشي اللي فيه مصلحتهم و موفقة يا رب :26:

شكرا أخت نجدية وأخت بحرينية ألللللللللللللللللللللف شكر على الرد
أنا قلت له كل نهاية اسبوع أوديك أنت واخوانك للمطعم اللي تبونه مرة بالاسبوع ووافق بس ما قدر يصبر ولما أناديه عشان يأكل بعض المرات ما يجي ( جاي على باله من المطعم ) أخليه وأطنشه بس ما كوا فايدة .
هذا أنا أحاول أغيره