ولدي ما يركز تعبني الله يفرج همها اللي تساعدني

السلام عليكم
والله انا قاعدة اكتب وعندي صداع رح يفجر راسي من ولدي الله يهديه ويصلحه:(
عمره 8 سنين تقريبا في الصف الثالث وبصراحة اول طفل يعجزني اني اذاكرله في حياتي كلها طول عمري وانا اللي اذاكر لاخواتي ولاخويا ولكل اطفال العيلة اي شي يستعصي على اي طفل يجي عندي افهمه الا ولدي
خلاني ارفع راية الاستسلااااااااااااااااااااااااام والله الله يحفظه ما قدرت عليه

عنده نشاط مفرط ما يثبت في مكان اذا غبت عنه شوية اجي الاقيه كسر العابه حولها لفتافيت صغيرة والالوان الخشبية كمان يكسرها يعني مثلا اللون الواحد يحوله 3 او 4 كسرات:eek:

اذا خلص من التكسير يقوم يجري شوية ينقز شوية يدور شوية يتقلب في الارض يعني ما شاء الله ما ادري :(

كله كوم والمذاكرة كوم ثاني القران بس عشان يقرالي 4 ايات اقعد اتحايل عليه بالساعات
مثلا اليوم بس عشان يقرالي اربع ايات من الساعة 2 الظهر الى الان الساعة 7 ونص وانا اقرا يا عبودي وهو يبكي ما ابغا يا ماما حرام عليكي ما ابغى كثير وووووووووووووووووووووووووووو:angry2::angry2::angry2:
والله الصداع ما سار يفكني جربت كللللللللللللل الطرق
لدرجة اني دقيت مسمار في السقف اروح اشتريله هدية الفها واعلقها في المسمار واقوله لو خلصت قبل الساعة 7 رح انزلك هيا بس يصير يبكي يبغا الهدية بدون ا يذاكر
جربت البطاقات يجمع كل ما يخلص مادة يكسب بطاقة واذا وصلت 10 ييكسب هدية
جربت العقاب
جربت التفاهم اقعد ساعة اعطيه محاضرة ويسمع نصها والنص الثاني يكون مشغول يعض الفلينة ولا يطالع في اصباع رجله :angry2:
جربت الضرب وجبت سلك وضفرته وحطيته قدامه :09:
كل الطرق فشلت بكل الطرق مستواه متدني
مع انه ذكي يا ناس اتكلم وعمره 7 شهور ماشاء الله تبارك الله كان فصيح وهو صغير يعني كانو الناس يقولو انه حيطلع عبقري وانا والله اتوقعت كذا لانه فعلا كان ذكي جدا ولا زال لكن ما يركز عشان يتعلم
الرياضيات هذي شكلة نوع ثاني في البيت يحلها زي العجب في الفصل يحل سؤال ويترك سوال ويحل غلط وباين من حله انه ما يحسب يكتب ارقام وبس
ليش يا عبودي كذا يقول عشان الحق العب مع اصحابي:eek:

النوتة حقته يوميا يجي الاستاذ كاتب فيها كثير الحركة قليل الانتباه

ياااااااااااااااااااااااااربي ساعدوني يا خبيرات انا متاكدىة انه عنده مشكلة ساعدوني اكيد في حل والا رح يطلع ولدي انسان فاشل ومهمل وانا بموت قبل يومي من كثر القهر
والله اني كنت ادرس انتظام حولت انتساب مع انه هذي اخر سنة ليا في الجامعة وتخصصي مو سهل بس عشان خاطر ولدي ومدرسته لكن دحين وانا في هذي الحالة ندمت اني سويت كذا وطلع تعبي بدون نتيجة

اللي تساعدي الله يفرج همها دنيا واخرة ويصلحلها ذريتها