ولدي ما يستحمل الشمس

السلام عليكم خواتي

شحالكم .. شخباركم .. عساكم بخير ان شاء الله انتو و العيال

من بدا الجو يحر و انا ملاحظه ولدي غير طبيعي .. كله تعبان و عيزان .. يخلص من المدرسه الساعه 1 الظهر و لما اييه .. يكون خلاص منهد حيله و ينام من يدخل السياره .. ما كان جي قبل شهر .. ما ادري شوفيه

عمره خمس سنوات .. نحن كنا عايشين في امريكا -الي يتذكرني- و هاي اول صيفيه لنا هنيه .. اول مره يجرب حر البلاد

ما كان يعاني من اي مشكله قبل .. اللهم في بعض سفراتنا الطويله -مش كلها بعضها- يهدم .. يعني يصيبه غثيان من طول الدرب و هزة السياره .. و مرات في الطياره بعد

احين شو اسوي فيه .. تعتقدون اوديه المستشفى ؟ .. لا سمح الله فيه شي ؟ .. مع العلم شهيته كانت ممتازه و جسمه حلو و طبيعته حركيه و نشيط .. بس من زاد الحر ، شهيته قلت و صار عنده شوية خمول اذا قعد في البيت

ساعدوني .. هل الي يمر فيه عادي ؟ .. انا مش متعوده عليه جذيه .. اباه يرجع نشيط مثل الاول .. هل هو مريض ؟