انا اقولك عن حل مره حلو
في المكتبات الكبيره فيه CD التعليم بالترفيه اشتريها ووشغليها له تلاقيه يستانس ويلعب وفي نفس الوقت يتعلم

شوفي حبيبتي اهدي شوي مومعقولة تاركته فترة طويلة وبعدين بيوم وليلة تبينه يحفظ الحروف لازم تجتهدين معاه الحين عشان الفترة تاسيس وقليلة خذي حرف حرف مثلا الالف سوي كيكة وقولي بيجي اليوم لنا ضيف واسمه أ وتكونين عاملة شكل أ ويدخل ويسلم على الولد ومعاه بطاقات فيها كلمات ارنب ابريق ابرة ويقول له انا اجي في الكلمات هذي ويغنون علي اغنية وهي الف ارنب يجري يلعب ياكل جزرا كي لايتعب وبعدين اكتبي كلمات بعضها فيها الف وبعضها لا وقولي له وين اللي يشبه ضيفنا أويحط عليه دائرةوبعدين عطيه دفتر وخليه يكرره بالكتابه وخليه يصور مع الحرف وعلقي صورته على لوحة بالجدار وخلي حرف أينام معه وقولي له قصة قبل النوم عن حرف أ مثلا ارنب يلعب وبعدين قام يبكي ويحس بألم في رجله ولما راح الطبيب شاف الطبيب في رجله أبرة وبعدين أخرجها الدكتور وضحك الارنب وراح يلعب وتطلبين منه يستخرج الكلمات اللي فيها حرف أوعطيه ورق ملون وخليه يقص على شكل الحرف ويلصقه او بالصلصال يسوي شكل أويلون أ بالكمبيوتر واعطيه حلاو وقولي له هديه من أويستحسن يكون شي يبدا بحرف أ وكل حرف سوي معه كذا وان شاءالله تفيد الطريقة معاك بس لاتنسين الحركات في كل حرف تعطينه علميه كيف يجي بالثلاث حركات واذا عجبتك طريقتي ادعي لي ربي يخلي لي زوجي وعيالي ويسخر لي زوجي امين يارب

فية اشياء كثيرة تساعدة على التعلم والاهم منها التشجيع والمعززات
مثلا فية بطاقات حروف وصور بارخص الاسعار بالمكتبات وبعد تركيبات الحرف وفية وفية وش ابعد وش ابخلي
وفية بالنت برامج تعليمية وفية سي دي انتي تشرينة وفية دفاتر تلوين الحروف
لكن صدقيني الاهم هو التشجيع مع المعززات (حلوى-فلوس-ترفية -هدية معنويه تصفيق احتضان -او لفظية كاحسنت ممتاز شاطر بدون تكرار منعا للملل)

ولدي سجلته اولى السنه الماضيه وكان متلخبط في الحروف درس اول شهر ومايدري عن شي وانا نفاس وكنت لاهيةعنه
وبعد كذا انتبهت له رحت المكتبة واشتريت له سبورة تجي وجهين واحد حروف والثاني يكتب عليه و اشتريت مثل الدفتر يكون فيه صورة واسماء فواكه وحيوانات واول حرف من الصورة والحمد لله فهم و استفاد كثير بس يبيله قعدة اهم شي انك تصبري علية

لاتخافين بيطلعون رابعه ابتدائي مايعرفون الكاف من القاف والتاء من الدال والضاد من الظاء مو عاد توه اولى
الله بس يعيننا