ولدي مبتعث ابغى اعرف احنا صح ولا هو صادق والمعيشه غاليه في لندن

السلام عليكم ورحمة الله وبركاته
كيف حال الجميع :44:
معليش انا عارفه اني غثيتكم بمشاكلي وكلامي :09:ولكن يعلم الله اني احبكم فيه واعمل بمعظم النصائح مش الكل
جزاكم الله خير كلكم المهم مالكم بالطويله
يمكن عارفين انه ولدي الله يحفظه يارب اتزوج وسافر هو وزوجته للخارج عشان هو بيدرس طيب؟.؟؟
لما سافر كان معاه تقريبا 11الف ريال سعودي ما شاءالله ولا قوة الابالله وكان ايجار السكن حقه مدفوع وابوه قبل ما يسافر شرى له سرير من لندن وحط له ياه بشقته طيب؟؟
بعد اسبوع والله ياجماعه اتصل علينا من هناك وقالي ابغى فلوس وحولنا له 200 جنيه انجليزي طيب؟؟
بعد 10 ايام اتصل تاني وقال ابغى 400 جنيه مامعايا ولالالالالالالاريالهذامع العلم انه راتبه من الدوله نزل وصرفه كله وبقى منه بسسس550جنيه ايجار الشقه الشهر الجاي
المهم احنا حولنا له المبلغ التاني امس كلمني بالليل وقالي ما معايا ور قرش ابغى فلوس :(
انا عصبت وصيحت عليه وقلتله حرام احنا موقاعدين هنا في مطبعة فلوس والله اننا مقصرين مع اخوانه وبنعطيها له المهم ابوه حلف وقال والله ماارسل له ولا ريال وزوجته كلمتني امس بالليل وقالتلي مرررررررررررررررررره مامعانا ولا ريال والكل هنا بيقولي لاترسلو ولاريال وانا والله قلبي مرررررررره واجعني عليهم بالله انا على حق ولا تصرفي غلط انا وابوه
والله يابنات بيصرف ببذخ وعايش هناك عيشه ماشاءالله ولاقوة الابالله احسن من اي واحد معاه مو حاسس بقيمة القرش اللي بياخده ايش اسوي وانتو ايش رايكم نطنشه ولا لألألأ ابغى اعرف احنا صح ولا هو صادق والمعيشه غاليه هو في لندن يعني
وشكرا جزاكم الله خير