ولدي متاخر بالكلام مايكون جمله ساعدوني بخبراتكم الله يوفقكم

الاطفال يختلفون

طالما انه يتكلم ويفهمك حلو اصبري عليه وان شالله يتحسن

ربي يحفظه

ياعمري تراه طبيعي جدا

شوفي انا اخواتي ولدنا بنفس السنة ولد اختي كبر بنتي. و ولد اختي الثانية اصغر منهم ب٥ شهور
بس صار انبغ منهم ويركب جمل ويتكلم بطلاقه
بينما ولد اختي الاولى يقول بس كلمات وتركيبه قليل بس يتكلم عن نفسه كشخص ثاني
اما بنتي خير شر كلامها خرابيط خخخخ وماتتقن جميع الحروف ولا تركب جمل
مثلا البالونة تسميها نانونه
اختها دانه تسميها نانا
حصان تقول اسان
بس انعا طفلة طبيعيه دامهت تحاول تتكلم وتردد وراي واذا امرتها بشي تسويه وتعرف اسماء الاشياء ماعليها خوف بس هاذي قدرتها ماضغط عليها مع العلم عمرها الحين سنتين ونص

اعتقد توه صغير أنا ولدي الحين ٣سنوات واربع شهور ما بدا بترتيب الجمل إلا لما تم ٣ سنوات وللحين كلامه مو مفهوم يعني أنا بس اللي افهم عليه أما الأهل ما يفهمون إلا أشياء بسيطة ولدي مشكلته انه وحيد ما عنده احد بالبيت غيري أنا وأبوه وغير كذة لهجتي تختلف عن لهجت أبوه بحكم أني أجنبية فالبتالي متلخبط بين أهلي وأهل أبوه الله يعينه

مشكورات وانا ولدي وحيد وقليل يختلط يمكن بالشهر مرتين يجتمع مع الاطفال ريحتوني كنت خايفه انو مو طبيعي لان في ناس رفعو ضغطي يقولون لي شايب وللحين ماتكلم

انا ولدي ثلاث ونص زي ولدك بس مره ذكي ماشاء الله ويحفظ قران اتوقع يباله فتره مو كل الاطفال زي بعض