ولدي متعبني .. كيف أخليه ينام؟

السلاااام عليكم..

كيفكم حوائيااات؟؟

بدخل في الموضوع على طووول ..

عندي ولد عمره 7 شهور وشوي ... ومشكلته ابد ما ينام بالليل ..
لازم كل ساعه يقوم يرضع.. وهالوضع متعبني جدا ..
يعني نظام نومه ما تغير من لما كان فالاربعين .. كل ساعه لازم يقوم عشان الرضعه ..
حاولت كل شي وياه وما فاد ..
قلت يمكن السبب مني انا .. امتنعت عن الكوفي والشاي والشوكولاته واي شي فيه كافيين .. وامتنعت عن البقوليات وغيرها اللي تسبب الغازات ومازال ولدي مثل ما هو ..
احاول اشبعه بالليل اعطيه بسكوت وسيريلاك بالاضافه الى الرضعه وينام طبعا ما يكمل ساعه الا ويقووم ..
حتى فالنهااار الاحظ انه ما ينام ... غفوه الضحى لمده ربع ساعه .. والظهر نص ساعه واحيانا 20 دقيقة بس .. وعالمغرب ينام 10 دقايق او ربع ساعه ..

تعبت جدا من هذا الوضع .. وصار عندي صداع مزمن من قل النوم ..
وحتى لما اكلم اي حد احس اني مو في وعيي .. يعني يكلموني ويوم اجي برد عليهم انسى شو قالو ..
جد جد احس اني بنهاااااار ... ساعدوني ارجووكم ساعدوني