ولدي محيرني ومتعبني

السلام عليكم ومبروك عليكم الشهر ياجماعة انا مشكلتي مع ولدي اللي عمرة سنتين ونص وما شاء الله عليه نبيه وذكي وتصرفاته اكبر من عمره وعلى فكر ه هو البكري وتحته بنت عمرها8 شهور قبل ما تجي البنت بديت اعوده على الحمام ومشى حاله نوعا ما وبعد ما جات البنت ضاعت علومه ضيع كل الشغل جربت كل شي المداراه والمحايل والتشجيع والهدايا والتهديد جنني تدرون ايش المحير انه اذا جاه البول يصيح حمام يا ماما حمام واوديه ويسويها ومستحيل يسويها في الكلوت او في الفراش حتى وهو نايم اذا جاه البول يقوم ويناديني عشان اوديه الحمام وعنده قدره يمسك نفسه لكن القضيه الكبيرة ا لبراز عادي ما عنده اي مشكلة يسويها في الكلوت عجزت وانا اعلمه ان هذي مثل ذيك ما فيه فايده حتى للدكتوره حقت الاطفال وديته قالت الصبر لكن لين متى الحين قربت اخلص السنه وما فيه اي تقدم ياجماعة ساعدوني الفزعه خاصه اني ناويه ادخله الروضه بعد العيد