السلام عليكم ورحمة الله وبركاته
طبعن ولدي الله يحفظه عمره 5 سنوات وصغير ومو مدمن بسم الله عليه مدمن ((شوكولاتا )) بس حبيت احط العنوان هذا عشان اذا فيه ناس عندهم ولد مدمن والعياذ بالله يدخلون
كثير في مجتمعنى مدمنين مخدرات وشرب خمر ومغازل وبلاوي زرقاء
شباب في ريعان شبابهم واذا شفتيه قلتي كهل شاايب اكل عليه الدهر وشرب من البلاوي الي ياخذها
وتلقين معضمهم اهلهم يعرفون ودخلوه مره ومرتين لمستشفى الامل والي سفره للخارج
ويرجع للمخدرات مره ثانيه
واخر حل ايش (( الزواج ))
وكانه بنات الناس مسئولات عن فشلهم في التربيه وكان بنات الناس ممرضات ومتخصصات بعلاج المدمنين وبتساعده على الاقلاع
وبكل وساعت وجه وقلت خوف من الله وبطرقه النصب والحلف والقسم بالله انه ولدهم اصلح واحد في الكون
اعوذ بالله يمجدون وكانه رسول مافيه من العيوب اشعره
ويتشرطون بعد نبيها زينه وحلوه
ويخطبون
والبنت توافق ما تعرف وش ورا هالشاب
مدمن سكير مغازلجي وراعي بنات وسهرت ولا شاذ جنسي ماتعرف
من يعرف الاهل الي ما يخافون الله
حسبي الله ونعم الوكيل
مافكرو بالله وانه شايف وعارف
ما يعرفون انه الدنيا سلف ودين وزي ما كادو لبنت الناس المسكينه بكره بينكاد لبنت من بناتهم ولا ولد من اولادهم بيتزوج وحده سمعتها بالارض وخريجة سجون ولا لها ملف في الهيئه
ما فكر في فضيحتهم اذا بنت الناس طلبت الطلاق
حسبي الله ونعم الوكيل في كل ضالم ما يخاف الله
حسبي الله ونعم الوكيل في كل واحد ما يحب لناس ما يحبه لنفسه
اثرت فيني قصة وحده من الخوات وطلع مني كلام كان في قلبي له اسنين
من تجربة اعز صديقاتي
ودمتم
