الله يشفيه ويخليه لك
ادهني باطن الارجل بفكس ولبسيه شراب وشربيه اشياء دافيه ولا تكتمين المكان الي هو فيه خلي جو البيت معتدل عشان مايتاثر اذا طلعتي مكان
♥♥tuta♥♥
•
الدواء اللي بيعطوه لبناتك للاومه البيوتورول هو اللي بيخفف من الازمة مش الموترين,
و انه ما يعطوكم شي من الوها سببه انه الاعراض للفيروس نفس الارعاض للبكتيريا.
فلما تروحي بيقولوا فايروس و الفايروس مساره اكمن يوم و يبدأ يتحسن, اذا ما اتحسن او اتغيير صوت الصدر ساعتها فيها شك و فحص للبكتيريا و بيعطوا انتي بيوتيك.
و اذا بتسألي ليه من اولها ما يفحصوا للبكتيربا بقلك لانه فحص البكتيريا بياخذ من 24 ساعة الى 48 ساعة ليبان, لهيك ما بيشوفوا داعي ينعمل طالما صار اسواء معناها بكتيريا>>> كله ما عادا الستريب ثروت بتطلع نتيجته بربع ساعة زمان
الفايروس ما بيتجاوب بالانتي بيوتيك في حين البكتيريا ما بتتعالج غير فيه..
انتي شكلك بتصدقي دكاترة البلاد اكثر من دكاترة امريكا, اللي في البلاد بيعطوا انتي بيوتيك على كل شي, اخذت ابني لدكتور و انا عارفة شو معه: روتا فيروس, معروف و واضح من الاعراض, حرارة + استفراغ + اسهال, قام اعطاني انتي بيوتيك, شو حيفيده؟؟؟ و لا شي, رفضت اعطيه لابني و كلمت دكتوره بامريكا و شرحت له الاعراض و طلب مني اجيب خافض حرارة و اداوم على السؤائل شوي شي مش مرة وحدة يشربها, يوم و ليلة و صبح مثل الفل ما شاء الله...
ما بعرف ما بحب الدواء و لا بحب اعطيه لاولادي الا اذا بكتيريا و مضطرين ليه, غير هيك نو واي, لانه بتتدمر مناعتهم.. يمكن تفكيري متأثر كثير بوالدي اشتغل محامي بشركه ادوية بالبلاد و من كثر ما كان يشوف السايد افيكتس للادوية كان مانعنا عنها مع انه خالي الله يرحمه دكتور و يوصفها لنا بس والدي كان يرفض و يمشينا على اورانج جوس و ليمون و عسل و بابونج لصرنا و اتصورنا.
و المسكنات يا عمري في سايد افيكت منها الادمان, يمكن انتي عارفة شو بتعطي اولادك بس في غيرك مش عارفة او بينسى, كنت في الثاني ثانوي من كثر الدراسة يتصدع راسي و اشرب اكامول, بديت حبة ورا حبة, بطلت الحبة تنفع صرت اشرب حبتين و اربعه لمسكني ابوي و قال انتي مجنونة بدك تقتلي حالك, منعني من الدواء فرد مرة اتصدعت يمكن اسبوع مش قادرة ارفع راسي و لا اتحرك و اقول مشان الله اعطوني حبة وحدة بس و يرفض لاتخلصت من الادمان الحمد لله.
هلأ انا معي الفلو, صارلي من يوم الاحد التهاب بالحلق و من امبارح الصبح بدأ معي الم بكل عضلات جسمي, ما اخذت لا اسيتامينوفين و لا بطيخ ازرق, شربت ليمون و ملح و اكلت ملعقتين عسل و 3 صحون شوربة امبارح و اليوم صبحت دايخة من قلة الاكل, بس صبحت ما احلاني, في سعال بس اخف بكثير من اول امبارح و امبارح, قمت نظفت بيتي ما رتبت من الاحد و عملت كيك و بيتزا كمان, بتعرفي انا ملاحظة على نفسي فرق كبير من ايام زمان لانه كنت لما اتفلوز ما احس بشي لا بحرارة و لا سعال و لا الم و لا شي, كل العيلة تحت اللحفة و انا قاعدة انط مثل القردة بعيد عن السامعين بس هلأ غير 3 ايام نايمة ما في انيرجي اتحرك بسبب الغدة و انا عارفة انه بسببها, بس ما بشرب دواء حتى لو حبيت اشرب ما بقدر لانه بيتفاعل مع دواء الغدة اللي بشربه و بيسبب تسارع بالقلب.
و انه ما يعطوكم شي من الوها سببه انه الاعراض للفيروس نفس الارعاض للبكتيريا.
فلما تروحي بيقولوا فايروس و الفايروس مساره اكمن يوم و يبدأ يتحسن, اذا ما اتحسن او اتغيير صوت الصدر ساعتها فيها شك و فحص للبكتيريا و بيعطوا انتي بيوتيك.
و اذا بتسألي ليه من اولها ما يفحصوا للبكتيربا بقلك لانه فحص البكتيريا بياخذ من 24 ساعة الى 48 ساعة ليبان, لهيك ما بيشوفوا داعي ينعمل طالما صار اسواء معناها بكتيريا>>> كله ما عادا الستريب ثروت بتطلع نتيجته بربع ساعة زمان
الفايروس ما بيتجاوب بالانتي بيوتيك في حين البكتيريا ما بتتعالج غير فيه..
انتي شكلك بتصدقي دكاترة البلاد اكثر من دكاترة امريكا, اللي في البلاد بيعطوا انتي بيوتيك على كل شي, اخذت ابني لدكتور و انا عارفة شو معه: روتا فيروس, معروف و واضح من الاعراض, حرارة + استفراغ + اسهال, قام اعطاني انتي بيوتيك, شو حيفيده؟؟؟ و لا شي, رفضت اعطيه لابني و كلمت دكتوره بامريكا و شرحت له الاعراض و طلب مني اجيب خافض حرارة و اداوم على السؤائل شوي شي مش مرة وحدة يشربها, يوم و ليلة و صبح مثل الفل ما شاء الله...
ما بعرف ما بحب الدواء و لا بحب اعطيه لاولادي الا اذا بكتيريا و مضطرين ليه, غير هيك نو واي, لانه بتتدمر مناعتهم.. يمكن تفكيري متأثر كثير بوالدي اشتغل محامي بشركه ادوية بالبلاد و من كثر ما كان يشوف السايد افيكتس للادوية كان مانعنا عنها مع انه خالي الله يرحمه دكتور و يوصفها لنا بس والدي كان يرفض و يمشينا على اورانج جوس و ليمون و عسل و بابونج لصرنا و اتصورنا.
و المسكنات يا عمري في سايد افيكت منها الادمان, يمكن انتي عارفة شو بتعطي اولادك بس في غيرك مش عارفة او بينسى, كنت في الثاني ثانوي من كثر الدراسة يتصدع راسي و اشرب اكامول, بديت حبة ورا حبة, بطلت الحبة تنفع صرت اشرب حبتين و اربعه لمسكني ابوي و قال انتي مجنونة بدك تقتلي حالك, منعني من الدواء فرد مرة اتصدعت يمكن اسبوع مش قادرة ارفع راسي و لا اتحرك و اقول مشان الله اعطوني حبة وحدة بس و يرفض لاتخلصت من الادمان الحمد لله.
هلأ انا معي الفلو, صارلي من يوم الاحد التهاب بالحلق و من امبارح الصبح بدأ معي الم بكل عضلات جسمي, ما اخذت لا اسيتامينوفين و لا بطيخ ازرق, شربت ليمون و ملح و اكلت ملعقتين عسل و 3 صحون شوربة امبارح و اليوم صبحت دايخة من قلة الاكل, بس صبحت ما احلاني, في سعال بس اخف بكثير من اول امبارح و امبارح, قمت نظفت بيتي ما رتبت من الاحد و عملت كيك و بيتزا كمان, بتعرفي انا ملاحظة على نفسي فرق كبير من ايام زمان لانه كنت لما اتفلوز ما احس بشي لا بحرارة و لا سعال و لا الم و لا شي, كل العيلة تحت اللحفة و انا قاعدة انط مثل القردة بعيد عن السامعين بس هلأ غير 3 ايام نايمة ما في انيرجي اتحرك بسبب الغدة و انا عارفة انه بسببها, بس ما بشرب دواء حتى لو حبيت اشرب ما بقدر لانه بيتفاعل مع دواء الغدة اللي بشربه و بيسبب تسارع بالقلب.
♥♥tuta♥♥
•
^^^
مش عارفة و الله, يمكن لانه مرت اخوي كل ما شافت واحد في الاولاد عطس بتنط تقول ليش ما تعطوه الدواء الفلاني و اذا رحنا دكتور و رجعنا ايد ورى و ايد قدام بتعارض و بتقول لو في البلاد كان اعطو و اعطو و اعطو, حسيتك مثلها ههههه (هي جديد اتزوجت ما الها غير 5 شهور بامريكا
مش عارفة و الله, يمكن لانه مرت اخوي كل ما شافت واحد في الاولاد عطس بتنط تقول ليش ما تعطوه الدواء الفلاني و اذا رحنا دكتور و رجعنا ايد ورى و ايد قدام بتعارض و بتقول لو في البلاد كان اعطو و اعطو و اعطو, حسيتك مثلها ههههه (هي جديد اتزوجت ما الها غير 5 شهور بامريكا
جزاكم الله كل خير كلكم أخواتي بدون استثناء والحمد لله كحة ولدي خفت
شكرا للأخوات اللي دعوا له كمان
كنتم جدا متعاونات و خصوصا توتا وهوم الظاهر استفدتو من خبرات بعضكم كمان مثلي
إن شاء الله أدعي لكم كلكم بس لآزم قبل أحفظ الأسماء
و إلا أقول عندي فكرة
الله يوفق كل من ردت علي في موضوع ابني ويحرم عن جلدها النار ,,,<<< كذا أسهل حبتين
شكرا للأخوات اللي دعوا له كمان
كنتم جدا متعاونات و خصوصا توتا وهوم الظاهر استفدتو من خبرات بعضكم كمان مثلي
إن شاء الله أدعي لكم كلكم بس لآزم قبل أحفظ الأسماء
و إلا أقول عندي فكرة
الله يوفق كل من ردت علي في موضوع ابني ويحرم عن جلدها النار ,,,<<< كذا أسهل حبتين
الصفحة الأخيرة
اول شي الاي بي بروفين صحيح انتي انفلاميتوري بس لما ترجمتيه و طلع معك مضاد للاتهاب مش معناها التهابات الرشح, نو هو عبارة عن انتي انفلاميتوري خالي من الستيرويدز بيستعملوه لاتهابات العضلات و العظام مثل لما يكون في آلالام للدورة او انجوري بالعضل او للاثوريتوس او لوجع الاسنان.. هاد الالتهاب اللي مقصود.
مش التهاب الحلق, التهاب الحلق شو بيحصل فيه؟؟؟ بيدخل فيروس للجسم, يبدأ الجسم بالدفاع عن طريق جهاز المناعة المتمركز بالحلق (او هيك شي و الله ماني فاكرة وين بالضبط) بيطلع جيش الكريات البيضاء يحارب الفيروس و قتالهم بينتج عنه التهاب الحلق, هلأ شو تعملي؟ و لا شي, خلي جسمك يقاوم بنفسه, لهيك ما بينصحوا استعمال ادوية الكحة لا لكبار و لا لصغار, و لا حتى ادوية الفلو مثل cold and flu هيك بيكون مكتوب عليهم, هدول مفعولهم زيرو ما بيعلموا شي, و هالكلام من 4 دكاترة مش دكتور واحد, 3 دكاترة اولادي و 1 دكتورتي و كنت سألتها لانه ما اعجبني جواب دكاترة اولادي و ايدت كلامهم بالضبط.
اذا في وجع, اعطي دواء اي بي بروفين او اسيتامينوفين, لكن ما في وجع, مش بحاجة للدواء, صدقيني, اذا ابنك مرتاح و ما في غير هالكحة متضايق منها (يعني بس بيبكي لما يسعل) معناها ما في الم غير الكحة, و هاي سبق وضحنا انه بتقدري تخففي منها باستعمال الهيوميدافير و شرب السوائل كالبابونج.
و بالنسبة للادفيل اللي بيعطوه لاولادك مع التطعيم, بيكون لانه بالتطعيم ممكن ترتفع درجة حرارة الطفل بيعطوكي الدواء لتخففي الحرارة فيه. (عاوزين اشرح شو التطعيم بيعمل؟؟؟)
هلأ عن خلط الدواء, ما كان القصد انه تعطيهم سوى بنفس الوقت (و لو انهم عملوها مع ابني بالمستشفى لما كان 6 شهور و حرارته 105 و شحطه), بس لما تكون حرارة الطفل اكثر من 102 ما في شي بينزل الحرارة غير انك تعطي اسيتامينوفين و اي بي بروفين مرة هيك و مرة هيك.. ابدأي بالاي بي بروفين و بتلاحظي انه مفعوله بدأ يروح بعد حوالي ساعتين او هيك شي بترتفع حرارة الطفل, هلأ ما فيكي ترجعي تعطي اي بي بروفين كمان مرة لا بتتعبي الطفل (بيأثر على الكبد و الكلاوي و تجلط الدم و كثرته بتزيد الازمه اذا كانت موجودة هاد غير عن انه بيخفف الحائط بالمعدة) لهيك بعد مرور 4 ساعات الى 6 ساعات اعطي اسيتامينوفين و هلم جرى.. و اذا الحرارة كانت موجودة قبل ما تقدري تعطيه دواء مرة ثانية استعملي كمادات ما في حل غير هيك... <<<<< و هالكلام ان حبيتي تتأكدي منه اسألي دكتور اطفالك و دكتورك و ايا دكتور, ارفعي التلفون اتصلي و قولي ابني معه (بعيد الشر) حرارة 102 شو اعمل بيقلك نفس اللي قلتلك اياه. بس خذي منه الجرعة المناسبة للطفل.
هلأ بنجي للكحة و بنشوف, هل مصاحب ليها حرارة؟؟ اذا لأ خلاص ان شاء الله يومين بالكثير و بتروح, الكحة تبدأ خفيفة, اعتبري مسارها كالجبل, تبدأ بخفيفة بالواد و بترتفع و بتسوأ و بتكون اقصى قوة و جفاف في القمة و بعد يوم بترجع تخف لتختفي.. يعني اعطي طفلك 3 ايام الى اسبوع بيرجع لمناعته.. (و اذا زوجك بيدخن ممنوع يدخن حوالين الطفل و ايا مكان بالبيت)
ايمتى تخافي؟ اذا الكحة دامت اكثر من اسبوع.. او بدأت الحرارة ترتفع عند الطفل.. هدول انذار انه في شي خطأ.. الحرارة بتكون دليل على برونكايتس او نيمونيا بعيد الشر و هدول بدهم مضاد حيوي.
و بذكركم اني مش دكتورة و كلامي من تجربتي و من شرح دكاترتنا و من تجربة اخواني مع اولادهم و لهيك بنصحكم قبل ما تحطوا ايا شي في افواه اولادكم اتصلوا بالدكتور و اسألوه اذا كان اوكي او شو بينصح بديل عنه حتى لو الساعة 3 الصبح, اذا كان ما راح يرد على التلفون ليه هو دكتور؟؟؟؟؟ (مرة دكتور ابني قعد معي على التلفون ساعتين من الساعة 3 الى 5 الفجر و ابني معه امساك و كان يشرح لي تمارين و حركات اعملها لتسهل بطنه الله لا يعيد هديك الليلة), فما تخافوا اتصلوا و لا يهمكم حدا.
اضافة: انا اسفة نسيت انه ولادكم اصغر من سنة, فرجعت اعدل, كلامي عن الحرارة بيكون للي اكبر من سنتين, البيبيات اذا اتعدت حرارتهم ال100 على طول خذوهم للدكتور او روحوا فيهم المستشفى لانه بسهولة بيحصل ليهم جفاف خصوصا انه بيبيات و ما راح يرضوا يشربوا شي لانه بيكونوا مركزين بالبكاء.