همسة غرام @hms_ghram

محررة برونزية

ولدي من صرت مالفه ماينام زين ودايم الحركه ..

السلام عليكم
ولدي خلص 9 شهور والان في نص العاشر .. ظليت الفه لين عمر 8 شهور وشوي لانه كثير الحركه واذا مالفيته يسحب البطانيه ويحطها في فمه غير كذا ما يدفئ لان يطلع يدينه ورجايله ويتحرك كثيير المخده في جهه وراسه في جهه :frown:.. المهم عاد الحين كبر وزوجي وبناتي يقولون لمتى الفه كأنه بيبي فحاولت اني مالفه واعوده على النوم من غير لف فصار اصلا صعععب نومه واذا نام بسرررعه يجلس من اقل صوت والبطانيه ماتصير على جسمه من حركته وحتى هو كل شوي يطق راسسه بالسرير ورجلينه يا رافعنهم يا يطق بالسرير وانا كل شوي واعدله واخلي راسه على المخده واحط البطانيه واوقات يجلس ماينام وهكذا طوول الليل ماعرف انام منه ولا صار ينام زين :30:وش الحل ؟ تعبببت من صرت مالفه صار اكثر حركه ويجلس اسرررع حتى لو احد عطس جلس .. :30:

يلزم عليك تسجيل الدخول أولًا لكتابة تعليق.

تسجيل دخول

charming_roro • 12 سنة

حطي حوالين سريرو مخدات مربوطة او روحي سنتر بوينت او مذركير فيه اللي ينحط بجوانب السرير عشان الطفل لا يتخبط و ابداي نوميه اول شي ملفوف ويده خارجة وشوي شوي يتعود الاطفال يبغالهم طولة بال معليش

كل الحياهـ • 12 سنة

^^^ كلامها سليم وكمان اذا مايخلي البطانيه عليه لبسيه ثقيل تضمنين لو شال البطانيه مايبرد

دانة العناقر • 12 سنة

كل الحياهـ :

^^^ كلامها سليم وكمان اذا مايخلي البطانيه عليه لبسيه ثقيل تضمنين لو شال البطانيه مايبرد

^^^ كلامها سليم وكمان اذا مايخلي البطانيه عليه لبسيه ثقيل تضمنين لو شال البطانيه مايبرد

معناه ولدك يبي اللفه..

بنتي توها مكمله العاشر..ومثل ولدك نومها خفيف ...وقليل ...النومه الأساسيه متقطعه..

وكان سريرها خشب وكل شوي تطقها جهه ...جبت لها السرير المحبس...جوانبه قماش شبك..يمطط

يعني اذا طق راسه مايعوره...

الله يصلحهم..

ام رمرومتي11 • 12 سنة

خلاص لفيه وارتاحي وين المشكله
انا بقيت سنة الفه وببرباط

قطرة لولو • 12 سنة

بالنسبه للغطى روحي لم سنتربوينت او مذركير تلاقي عندهم بطانيات مثل اللبس
بس مقفل من تحت اذا خايفه عليه وتشوفينه يحط البطانيه بفمه خطر يختنق لاسمح الله
وبعض الاطفال اعرف كم وحده تقول الف بنتي مثل الوزره علشان ترتاح تحب ضمة رجولها
جربي لفيه من تحت بس ويدينه طالعه