ولدي نايم ويأشر وأنا خيفانه عليه

?يف حال?م بنات حواء فزعتكم حبايبي زوجي في الدوام و انا من الساعه 2 فيني رقاد بس بنتي الصغيره مب راضيه تنام وبعد معاناه رقدت الساعه 3 ونص وانا رقدت معاها علي طووووووول من التعب وعالساعه 4 بدا يبكي ولدي عمره 3 سنوات واقوله وش فيك يرد علي بس انا ما افهم شو يقول وقوم اخته عاد انا بغيت اتخبل تونا راقدين والحين انت ياي تقومنا قمت ضربت ولدي من القهر وقلت له ليش تبكي ليييييييييش؟
هالوقت قام يأشر بس ما عطيته سالفة
وعقب رديت ارضع بنتي وهو تم يبكي وعقب جا ولدي عندي قلت له حبيبي شوفيك؟؟؟؟ وهو يبكي يقول هذيلا ما حلوين ليش يون غرفتنا ؟؟ قلت شو تقول حبيبي؟؟؟يقول هذيلا ما حلوين ليش يون غرفتنا؟؟
بصراحة وايد خفت وتميت اقري عليه المعوذات لين نام والحمدلله ماقام بعد ما قريت عليه
ما اعرف كان يحلم ولا يشوف شي
على فكرة انا ما احب ادخل دمى فغرفتي بس قبل اسبوع رحت وشريت لبنتي عروسة ولولدي دبدوبه على شكل اسد
حد مر عليه مثل هالمواقف؟؟