السلام عليكم ورحمة الله وبركاته
كيفكم يا مغتربات ان شاء الله بخير مع تغيرات الجو البسيطه
بنات الله يجزاكم خير
انا عندي ولد عمره 3و10شهور وانا سجلته في البري سكول
وقبل ما يسجله زوجي سأل المدرسه هل هم يعلمونهم
تعاليمهم قالت لا بس نقولهم ان الرب واحد وبس ويوم جاء ولدي امس
من البري سكول سألته وش اخذت اليوم قالي وش تعلم بس بعد
وقت واحنا جالسين قعد يقول شكرا يا المسيح بالانجليزي انا ما فهمت وش يقول ابوه فهم عليه وسأله قال المدرسه اليوم قالت لنا كذا وشغلت لنا فلم وطفت الانوار وتكلمت لهم شوي عن دينهم انا وابوه انصدمنا وقعد ابوه يقوله قال ويفهم بأسلوب بسيط بس شكله ما اقتنع بكلام ابوه وصدق المدرسه مع اني من قبل وانا دايم اعلمه التعاليم الدينيه واحغظه ماشاء الله القران
فما ادري وش اسوي معه
طيب انتو عيالكم يعلموهم في المدارس تعاليمهم الدينيه
وكيف تتصرفين مع ولدك ولابنتك بعد كذا
الله يجزاكم خير قولولي وش اسوي والله قد مرت بكذا تقول وش سوت علشان انا والكل يستفيد الله يجزاكم الجنه ابس تفاعل
وحتى الي ماعندها اولاد وعندها خبره تقول كيف اتصرف معه واغرس التعاليم الدينيه اكثر في ذهنه انتو عارفين توه صغير واخاف عليه من دياناتهم
والله خيرا حافظ
دلوعه والماسه @dloaah_oalmash
محررة برونزية
يلزم عليك تسجيل الدخول أولًا لكتابة تعليق.
noors
•
هلا اختي ايه انا في كندا والبري سكول في كنيسه مشكوره يا الغلاهلا اختي ايه انا في كندا والبري سكول في كنيسه مشكوره يا الغلا
من المفروض ان المدارس التابعة للحكومة لايوجد اى دين لتدريسة الا اذا كانت مدرسة خاصة فيوجد الاسلامية او الاخرى مثل اليهودية او الكاثوليك ده الا اعرفة
نجمةسدير
•
لان المدرسة في كنيسة فاكيد بيعلمونهم لو على الاقل وقت الاكل انهم يشكرون فحاولى تغيرين المدرسة افضل وش حادك تحطينه في مدرسة تبع الكنيسة....
مثل مااقالوا الخواات المدرسه تبع الكنيسه فاكيد بيعلموونه ..يعنى مثل عندنا لوو كاانت المدرسه تبع المسجد اكيد بيعلموونهم عن الدين
طلعوووه يااختى وحطوووه فى حكوووميه...لا يضيع الولد....
طلعوووه يااختى وحطوووه فى حكوووميه...لا يضيع الولد....
الصفحة الأخيرة
من متى ال preschool يعلمونهم عن الدين؟
إنتِ في كندا؟
و هل ال preschool تابعة لكنيسة و إلا شيء؟