ولدي والتأتأه يا امهات

رجاء يامشرفات خلوه لو يومين ثم بكيفكم...
كتبت الموضوع ثم طار😥😧😢
المهم عندي ولد عمره3سنين و4شهور كان بسم الله عليه يتكلم زين وكلامه مفهوم وواضح لين شهر8 انتكس صار يتأتأ ولايطلع الكلام الابمشقه وليومكم هذا وهو نفس الحال 💔 ابوه يقول عادي كل الصغار كذا ينطلقو ثم يتأتأون ثم يسلكون مره ثانيه بس اناعندي اطفال غيره ماحد صار له كذا منهم.المهم اناشكيت انها عين من سلفتي لا نها بشهر8جاتني وسألتني كيف تخلي ولدها يتكلم وهو كبر ولدي بينهم شهور بس وقلت لها على التلفزيون واسولف معهم كثير وكنت فاغره ماقلت قولي ماشاء الله ولاشي ماجا ببالي ان ولدي بيتعب بعدها وتعب ولدي وشكيت بها ورحت خذت قماش ومسحت عتبت بابهم ومسكت الباب ومسحت مسكات يد السياره هذا اللي قدرت عليه😫وحطيتم بما وقريت فيه وشربته ولدي وكنت طول رمضان ارقيه وادعي له ماقول خف لكن تحسن شوي احسن من اول الحال وطبعا ماقابلتها طول رمضات بالعيد تقابلنا وحصنت ولدي والحمدلله على كل حال رجع انتكس اخس من اول صار لو بيقول مثلا محمد يقول ممممممم ثم زي اللي بياخذ نفس ثم عاد ينطقها اناقررت اعزمها واخذ من عجمها لان احنا مانتقابل كثير في بيوتنا يعني في بيت الحموله وصعبه اخذ من اثرها ماقدرت اخاف اكون صدق موسوسه والفت النظر لعيالي واخاف اكون على حق واخلي ولدي ع حاله طبعا بوه رافض المستشفى يقول عادي الصغار كلهم كذا وحنا بمحافظه يعني لو اروح اتوقع بيعطوني فيتامين ويدجوني فوش رايكم هل انا موسوسه وفي حد صار له كذا ووش الحل وع فكره جربت اشربه اول فنجان من دلة القهوه بس يرفض واذا غصبته شربها بارده...اللي عندها حد تفيدني واللي ماعندها تدعي له بظهر الغيب والله يجزاكم خير الجزا