ولدي والتسنين والغربه

السلام عليكم
داخله على الله ثم عليكم مالي الا الله ثم انتوا ماتخلوني مافيه أحد أقدر أسأله إلا أنتم وأنا في غربه
مشكلتي ولدي كان بسم الله عليه متين صحته احلى شئ الين صار عمره تقريبا ثمانيه شهور
قبل كنت ااكله حتى بدأت أكله من عمره شهرين وبسم الله عليه كان يأكل ويخلص الصحن ولما بدأيكبربدأت أنوع له رز وخضار ومره فواكه أخلطها ومره سيريلاك ومره بيض مسلوق وجبن الى وصل الشهر الثامن بدأ ينزل طلعت له أسنان قلت يمكن منها واللحين بيدخل 11 شهر معه 5 أسنان و3 في الطريق
بس يابنات والله ماعاد أكل أصلح الأكل والله انه ينكب الرز الخضار الفواكه السيريلاك كل شئ حتى الرضاعه والله بالغصب يخلص نصفها واحيان كثيره ياخذ بس رقم والباقي ينكب
مع العلم كان اول ماولد استخدم له سيميلاك بعدين لما وصل عمره شهرين غيرت له حليب من الدوله اللي انا فيها مو موجود بالسعوديه وكان تمام عليه ولما وصل الشهر السابع استخدمت له نفس الحليب بس من عمر7-12 شهر
والبارح رحت للدكتوره لأن له اسبوعين الله يكرمكم كلكم اسهال وجاته حراره يومين في اليوم 5 او 6 مرات وشافته عطتني له كبسولات مدة 5ايام قالت حبه الصباح وحبه الليل تقول مع الرضاعه تفرغين البودره اللي داخل الكبسوله
وعطتني له فيتامينات تقول علشان تعوضه
وعطتني كمان علاج تقول تستخدمينه يوميا الساعه 12 مدة شهرين علشان يوقف الاسهال نهائي
وعطتني كمان ظروف بودره مرسوم عليه حبات رز تقول مع كل 100 مل ماء اعطيه نصف الظرف عند الضروره يعني اذا ماوقف الاسهال الله يكرمكم


وكمان قالت غيري الحليب وخيرتني بين اكثر من حليب من ضمنها غين وبروميل ونان وحليب اسمه انفابرو امريكي طبعا
واخترالأخير وغيرته له

بس يابنات ودي اسأل كم من سؤال
1/عادي الكم الهائل من الادويه اللي وصفته لي الدكتوره؟
2/الشئ الثاني أحد قد سمع بهالحليب بالرغم انه غالي 1600غرام ب تقريبا 150 ريال
3/أبطل أأكله هالفتره لأن أساسا مايأكل شئ؟
4/ولي طلب ابي اكل او وصقه او اي شئ يمتنه ويفتح شهيته تكفون اللي عندها فكره لاتبخل علي؟

والله يابنات نحف بشكل مفاجئ
مع العلم لماأروح للسوق أو المستشفى أو أي مكان الكل يتمسك فيه ويسولف معه ويستغربون لما اقول عمره كذا يقولون كبير مره وهو فعلا ضخم بس اللحين راح كل شئ
احيان اقول يمكن انها نظره لأنه تغير بشكل مفاجئ وأحيان أقول أسنان وأحيان أقول حركته كثيره




تكفون يابنات لا تبخلون علي
أنتظر ردودكم وبإذن الله ربي يحقق لكم أمنياتكم يارب