ولدي والحذف والتكسير

السلام عليكم
اخباركم
ولدي الله يحفظه له ثلاث سنوات
موقادره اسيطر عليه قسم تاعبني حيل
اي شي يجي بيده يحذفه
عطر جزمه ريموت كنترول كوب اي شي
دايم يحذف علي اشياء
مره حذف علي عطر وجاء بجنبي وخفت على حملي بس الله ستر
وقبل اسبوعين حذف الجوال على البلازما وكسره
وشرينا جديد واليوم وانا اصلح الغدا حذف الريموت على البلازما الجديد وكسره بعد
قسم انقهرت على الجديد مالنا اسبوعين من شريناه ضاق صدري حيل عليه
وعلى تصرفات ولدي مو قادره اظبط الوضع معاه اتعب معااه حيل مايجي اخر الليل الا وانا هلكانه كأني ام عائله وانا ماعندي الا هالصغير هذا
قسم جنني مادري وش الحل معاه
اي شي يحذفه واي شي يكسره

احسه يفرح لاكسر شي
اليوم اول مادخل ابوه من الدوام راح له عند الباب وهو يضحك والضحكه شاقه الوجه يقول بابا تلفزون كسر ريموت
يعني كسرت التلفزون بالريموت
وهو مستانس اخر حد
مشورتكن يالغاليات كيف انسيه هالطبع الحذف والتكسير
يارب اهديه يارب