ولدي والدفاع عن النفس وارضاء المجتمع

زي ماهو واضح بالعنوان
اطفال +مجتمع غريب+ام ضعيفه


بطبيعتي مسالمه ورغم كذا محد يرتاح لي او مدري كيف اوصف

يعني مالي قبول عند اهلي واقاربي 

بس مالي بد عنهم ولا لي غيرهم ونفس الشي اطفالي

مالهم الا هالمجتمع المفروض علي وعليهم او بمعنى اصح انا 

اللي فارضه نفسي واطفالي عليهم "̯

احب اجتماعات العائله واحب اخذ اطفالي يختلطون

باطفال اقاربهم وهالشي قليل وبالمناسبات فقط

عندي ولد الله يحفظه شخصيته جدا جميله

جسور وقوي ويدافع عن نفسه وهالشي مومعجبهم

يعني في كل طلعه اسمع سب لولدي وانه عدواني
وانه يضرب

رغم ان الواضح كالشمس انه هو المضروب ويدافع عن نفسه

اخر مرة جاني وجهه كله دم واللي ضاربه اكبر منه بكثير

تفاجات ان امه وكم وحده من خواتها وحتى الجده
جو يخانقون ولدي وهو عندي ليش تضرب ليش وليش

هو يقول هو بدا وضربني ودافعت عن نفسي

وانا تدخلت بلطف خشيه اني اخسرهم اكثر

قالوا صح بس ولدنا ضربه كف على وجهه وولدك ضربه على جنبه😢

ماعرفت ارد صراحه 


وماراح اخرب شخصيه ولدي واخليه ضعيف عشان ارضيهم

وهم ماراح يرضون بكل الاحوال




سوالي او استشارتي وش اسوي

ماابغى احبس نفسي واطفالي وننقطع عن الناس

مالنا غيرهم

عجزت افسر عدم قبولهم لي رغم اني عكس شخصيه ولدي

مسالمه 

مشهود لي بالاناقه والعقل وتاديه الواجب والطيبه

لكن رغم ذالك مالي قبول 

لو اغيب سنين محد يفقدني
وان سالت ليه قالوا يتهيالك!؟