أشكركن ومازلت أحاول هو يمسك صدري بس بعد طلعة الروح ويرضع شوئ مايتعدى خمس دقائق بعدين يفكه ويبكي ومايرضى يمسكه االا باليوم مره أو مرتين بس نفسي يرضع مني رضاعه كاملة وبكل وقت. من ولادته على هالحال

انا بنتي زي كذا خلي جنبك عسل وحطي شوي على الحلمه عشان يمسكه وحاولي كل شوي زي كذا الين يبدا يمسكه ويحبه وباذن الله يصير مايبي الرضاعه ..
ادعيلي ربي يوفقني باختباراتي

الله يسمع منك بس حنا على هالوضع من ولادته حاسه اين بفقد الأمل لأني تعبت وتعبته والله يوفقك إختي بدراستك ويحقق أحلامم

حبيبتي
اول شي خذي رضاعة افنت لانها قريبه من حلمة الام حلمتها مو طويله مثل بيجون وغيرها الحلمات هذي يحبونها لانها طويله مو مثل حلمة الام مهما كبرت ماتوصل لحجمها وفيها صعوبه شوي في الرضاعه عشان كذا اشتري افنت افضل لانها راح تساعدك في تعوديه على الطبيعي
نبدا باللي راح تسوينه :

اول مايصحى
غيريله وكبسي رجوله وايدينه عشان يسترخي حضرة جنابه فديته ويتحمل الرضاعه الطبيعيه
فضي الغرفه تماما من عيالك الباقين ومن زوجك والتلفزيون طفيه لان والله عن تجربه( ممكن كثير من الاخوات ان شافوا كلامي راح يايدوني ) الطفل البعض منهم مو الكل مايرضع اذا احد تكلم حوالينه او امه تكلمت كنت مااتكلم واذا تكلمت والله تترك صدري وتدير وجهها على الجهه الثانيه او تبكي حتى لمن احد يتكلم تتركه فكنت مسويه حظر للكلام محد يتكلم

البسي لبس وسيع من عند الصدر لانك لو لبستي لبس مو مفتوح لمن تطلعين صدرك راح ينضغط ومايطلع لين يصير مشدود وماراح يقدر يمسكه مضبوووط
حطي على حلمة صدرك عسل وضرووووري اول مايصحى لانه راح يكون له وقت مارضع وحلاوة العسل بتبين معاه في التذوق واصلا بتلاحظين انه مسك صدرك عشان العسل واكيد اول مايخلص العسل راح يتركه بس مع التكرار راح يتعود

اذا خرج فمه ارفعيه على صدرك وطبطبي على ظهره شوي وبعدها رجعيه مره ثانيه رضعيه مع هز عشان ينشغل بالهز ويرضع اذا حسيتيه خلاص عصصصصصب ووصل حده اعطيه الرضاعه بس خذي اصغر مقاس في الحلمه لان الرضاعه تعجبهم لمن تكون فتحتها كبيره شوي وتريحهم

واستمري على هالحال هزززززي ورضعي ( بس مو كل شوي تهزي ن اذا لزم الامر ) ولااحد يجيك حاولي بقدر الامكان اول الايام راح تتعبين بس الصبر ثم الصبر ثم الصبر الجنه ماجات تحت الامهات من فراغ واذا عندك عزيمه واصرار راح تسوين المستحيل انا كنت. تعبااااااااانه مع الجامعه واخر سنه وخايفه على المعدل والله اخرج من البيت الصبح تقريبا على سبعه واجي العصر تعباااااااااانه وصدري محجر ووراي مذاكره وواجبات وقرف والاقيها حضرتها ماتبي ترضع احيان كنت اتحمل. واحيان ابكي واحيان اداريها مره انسدح معاها مره ارضعها وامشي ومره وانا جالسه وكنت استغفر بيني وبين نفسي ووالله كانوا كل اللي حواليني يقولون بنتك ماتبي خلااااااااص لاترضعينها عذبتيها قلتلهم انا ماحرمتها من الرضاعه اعطيها بس بين الرضعات اعطيها صدري ماحرمتها واقسم بالله العظيم انها الين تقريبا صار عمرها خمس شهور وهي كذا تعصب وتبكي ومره تسايرني شوي والله خمس شهور ماذقت طعم الراحه بين جامعه وقرف وبين بنتي ورضاعتها وكانت مزوده الهم علي وكل ماسالت و حده قالت لاعادي عيالي يرضعون بدون مايبكون ويعصبون شكلها بنتك ماتبي وارجع مهمومه وابكي
الين وحده ربي يسعدها قالت لي بالليل وهي نايمه اوقات ترى يكونون نايمين ويبكون يبون شي يسكتهم ويرجعون بالنومه يعني مو بكا جوع بهذا الوقت دخلي صدرك بفمه وخلي بس الحلمه عشان مايتضايق من باقي صدرك وبدون ماترفعين ولدك عشان مايصحى وينتبه ويتركه راح يغلبك شوي بس والله مع الايام راح يتعود وفي اوقات لا يبكون بكا جوووووووع بذا الوقت جربي صدرك ممكن يرضع شوي ويتركه يبي الرضاعه اعطيه لاتحرمييينه ابدا حرام توه صغير مايتحمل الجوع وان ربي كاتب له يرضع منك راح يرضع ياقلبي
وفي هنا طبيبه مصريه ربي يسعدها تسااااااااعد الامهات على الرضاعه الطبيعيه وقريت لها انك تنزلين ملابسك ماتلبسين بلوزه ولاسنتيانه وتنزلين ملابسه ويكون جسمه على صدرك
وترى والله اللي ساعدني رضاعة الليل والغرفه ظلام وعلى مااظن بعد الطبيبه المصريه قالت هالكلام
والدعااااء الدعااااااااء وربي سبحان الله لمن بنتي صارت تبي ترضع مني تاكدت ان ربي استجاب دعائي
وانتي اصبري ترى مافي شي يضيع عند ربي وعلى قد صبرك ربي يكرمك
واشتري مخدة الرضاعه من مذركير تساعدك بانها ترفع ولدك لصدرك وتريحه وتريحك ماتجلس يدينك مربطه معاه


وبخصوص الحليب كثثثثثثثثري شرب الشمر واليانسون
وكثري اكل الخضاااااار والفوااااكه وكثري شرب المويه ولاتاكلين حوار واشياء تسبب غازات عشان لايتضرر فديته
وبس اتمنى اكون افدتك ياعسل لو بشي بسيييييييط
واي خدمه انا حاضره وبالشوووووفه

الشفط اذا صدرك صغير وتحسينه ناشف ماراح يطلع الا نقاط انا كذا وجربت الشفط وخسرت عالفاضي
وولدي كان مثل ولدك الظاهر مايطلع له حليب او يتعب بالمص وعطيته صناعي ونشف صدري