ولدي والروضة

صدقيني إحنا قلنا كذا بالبدايه
وماتوقعت أبد إنه يتأقلمون بشكل طبيعي
كلها أسبوع أو 3 أيام وبتلاقينه هو إللي يبي الروحه للروضه
طبعاً أول الأيام روحي معه ولا تطولين هم لهم درايه بهالأمور ويقدرون يتصرفون ..

دمتي بخير

شوفي ياعسوله كل الأطفال كذا انا اخوي محد توقع انو راح يروح لحالو لانو لاصق بامي 24 ساعه:)

بس اول يوم راحت معاه ومارضي يجلس ورجعتو البيت وراحت الدوام ثاني يوم انا رحت معاه ومافي فايده مارضي قامت ابلتو قالتلي اتركيه راح يبكي شوي ويتعود وبالفعل تركتو بكي شوي وسكت وخرجت من الروضه واهو لمن رجع البيت كان مبسوط وايد ومن بعدها صار يقول ابي اروح الروضه واول اسبوع بس كنت ادخلو لفصلو يقولي بس دخليني وروحي وثاني اسبوع ماشاء الله ولا يوم دخلتو صار يقول اعرف خلاص:)

معليه طولت عليك بس صدقيني لازم تتركيه ثاني او ثالث يوم حتى لو بكي بس مو من اول يوم عشان ماينصدم..

السلام عليكم
أنا نفس الشي صار لي مع ولدي وديته أنا وأبوه الروضة وكان فرحان وايد
لكن لما دخلنا قالي ماما بروح البيت ماما بطني يعورني أو ايدي تعورني
المهم وديته الصف وشاف الطلاب بس المعلمة طمنتنا قالت خلوه علينا
وبأمانة ركبت السيارة وأنا أبكي وأقول كيف أخليه بروحه كيف بيتأقلم كيف بيتصرف
لأنه ولدي الوحيد وما عندي غيره
أنتي وديه الروضة ودخليه صفه وبدون ما ينتبه عليج روحي عنه بسرعة وبدون ما
يحس فيج صح أنه بيصارخ بيصيح بس لا تردين له خليه يتعود ..
وبالتوفيق ان شاء الله ...

شي طبيعي

الصياح والدموع

لكن روحب معه اول يومين بعدين اتركيه وروحي

والمعلمات بيمسكونه ويتصرفون معه

شكرا لكن جميعا وجزاكن كل خير يااااااااااااغاليات