ولدي والروضه ساعدوني ياامهات ويامعلمات

ولدي وماادراك ماولدي صار لي فتره مهمومه بسبته وشايله همه مع روضته وبعدها مدرسته:44:
ولدي بالروضه الحين كتابه مايعرف يكتب ولايعرف يمسك القلم مسكته ضعيفه حيييييل ولايعرفيكتب الحروف حتى النقط مايعرف يمشي عليها مضبوط
تعبت اعلمه وشخصيته ضعيفه وموواثق من نفسه ودلووووووع حده ماكل ضرب بالروضه بشكل مرتب حتى البنات يضربونه بس يرفض يتكلم انه مضروب بس افهم من خلال كلامه ... واحسه مايقدر يدافع عن نفسه ابد ومثالي زياده عن اللزوم
مدرسته حيل ماعندها خبره واحسها هاملته وموعارفه تشجعه اوتتعامل معه وهو رافض اغير الروضه له ...لان متعلق باصدقائه وبالمكان وحاب الروضه كثييييير وماني عارفه شسوي الكل نصجني مااغير روضته لان ممكن مايتقبل التغير وخايفه اندم
فكرت اخليه يتاخر عن المدرسه سنه بعد يمكن تتقوى شخصيته خصوصا هو شوي صغير عمره بس احس متردده لان راح تضيع سنه من عمره ويمكن مايتغير اصلا
اتمنى الي عندهم خبره يساعدوني خصوصا مدرسات رياض الاطفال شلون ابدء معه وشلون اطور شخصيته واقوي ايده بالكتابه واشجعه على الدراسه لان احس بتكون الان كل المسؤليه علي لحالي مدرسته ولاكانها لها دور ابدا ولو في مواقع على النت تفيدني اواوراق عمل ياليت تساعدوني
الشي الوحيد الجيد اني لاحظت عليه ماشاء الله يحفظ بسرعه كبيره يعني السبت معطينهم سوره المسد رجع حافظها وماخطا فيها ابد وكل يوم كذا يحفظ السوره من اول يوم