ولدي والصياح الكثير اللي موب عارفه سببه

حاولي انك تمرخيه وتكوفليه زين بيرتاح ان شاءالله

نفس مشكلة بنتي اليوم كملت شهرين وبس تبكككي الا اذا نامت ومحد عارف اشبها

حبيبتي الله يحفظه لك بس هذا طبيعي يسمونه بالانجليزي colic
بنتي كانت نفس الشي و صياحها ما هدا الا بعد 3 شهور
السبب قالت لي الدكتورة ان الطفل لما يكون في رحم امه تتكون جميع اعضائه الا الجهاز الهضمي يللي يبدا يتكون بين شهرين الى 4 شهور بعد الولادة استعدادا للاكل و يسبب ألم للطفل لما يتكون. بعض الاطفال يحسون بالوجع اكثر مثل ولدك و بنتي و للاسف ما نقدر نسوي شي حتى لو دلكنا البطن لان الوجع داخلي. اول ما يخلص الجهاز الهضمي يتكون خلااااااااص فجأة يتوقف الوجع و الصياح.. عشان كذا الطفل ممنوع ياكل اول كم شهر.. سبحان ربي
هالمعلومة حبيت اقولها لك لاني كمان ما كنت اعرفها الا لما شفت الطبيب

لاتتوترين حبيبتي ولا تخافين لما تكمل الثالث بتحسين بفرق

على قولتهم الجهاز الهضمي مو مكتمل فالطفل يعبر بالصياح

ذكرتيني ببنتي ليل نهار تصيح لمادخلت الثالث خف صياحها واللحين هي بالسادس وراح صياحها الحمدلله

يعني لاتخافين وتصبري وعليك تدهنينها بزيت زيتون

لاتخافين اختي يمكن غازات انا ولدي من يوم خلق لين ثلاثه اشهر وهو صياح مو طبيعي طووول الوقت يانايم يا يصيح وكان معاه غازات وكنت اعطيه موية الغريب وكان ينفع اول وبعدين غيرت له دواء ثاني وزدت واحد ثالث كان قوي ويالله يهدى من الصياح بس الحمدلله الحين عمره 4 شهور نادرا يجيه مغص حتى كان يسمونه البكاية ههههههه..هي فترة لابد منها لاتتوترين وتعاملي مع الوضع عادي فترة وتعدي إن شاء الله..