ولدي والمدرسة

محتاجة اعرف احد صار له مثلي او لا
عندي ولد واحد بسم الله عليه كان هادي وفجأة من كمل ٣ سنوات صار شقي وجريئ عنده ثقة بنفسه ماشاءالله و ذكي جدا يعرف الارقام والحروف و يتكلم كلام بسيط عنده لغتين انجلش وعربي
عنده تشتت انتباه بسيط بسبب دمج اللغتين خصوصا ان عمره صغير ثلاث سنوات تعلمها عن طريقي وعن طريق البيبي ستر حقته وعن طريق اليوتيوب وقنوات الاطفال المتخصصة عندي اخليه يشوف الحلقة نفسها يوم بالعربي ونفس الحلقة بالانجليزي بيوم ثاني
صحيح انه تشتت الانتباه عنده بش ان نحاول نعالج هالنقطة مع المحافظة على تعليمه اللغتين لنا شهرين في هالصيفية تحت التدريب وجلسات التربية الخاصة بمركز حكومي لمعالجة تشتت الانتباه فقط
وكلهم اجمعوا ان السبب هو دمج اللغتين فقط بعمره الصغير
بس ولله الحمد ماعنده توحد وسوينا تخطيط سمع ومخ وطلعت النتيجة طبيعي ولله الحمد
وفي شهر شوال سوينا له عملية اللوزتين واللحمية والحمدلله
مشكلتي كالتااااااااالي: -
عمر ولدي الحين ٣ وعشرة شهور وبدخله مدرسة مع بداية العام الدراسي وقررت تكون مدرسة انترناشونال علشان يركز صح بالانجليزي مع حفظ القرآن
اول مرة تواجهني ازمة نفسية كل مدرسة تقابله الله يصلحه هو يسوي حركات بالمقابلة يحسبونه فيه مشكلة او اضطراب بالسلوك او النمو العقلي
مايعطونه فرصة مايتقبلون شخصية مثل ولدي
من لما ندخل مكان جديد يصير شقي ويتنطط ويحب يستكشف المكان هو جريئ نفس هالمشكلة لما نروح للمركز جلسات تربية خاصة لكن كل اللي بالمركز يمدحونه ويقولون انه طفل طبيعي لان عنده استجابة وذكي في كل مراحل التدريب استجابته ممتازة ويجاوب ويفرز الاجابة المطلوبة من المعلمة
شفت ٤ مدارس بعد نقوة وتعب اول مانجي لمقابلة المشرفة الاكاديمية بس تشوف حركاته حتى قبل ما تبدا بالاختبار الاكاديمي تقول لي بكل لباقة احنا مكتفين او انتظري اتصالنا بالقبول
يعني الولد مرفوض
اذا هذا اولها
مع انه جا لولدي قبول في مدرسة انترناشونال بس مأساااااة لا مبنى ولا ادارة ولا تيتشرز واضح ان الهدف مادي فقط

ياربي مااقدر اكمل انا جالسة اصيح ابي ولدي يداوم ويتعلم ويكون شخصية بين الاطفال ولدي الوحيد ابيه يعيش طبيعي
اخاف مايدرس هالسنة ويبتل في قعدة البيت
والله تعبت نفسيا حسبي الله عليه توكلت وهو رب العرش العظيم