الحمدلله والشكر من بعض الردود انا كويتية وهالمرض مشهور ومعروف عندنا البدو واي حرمة تعالج تعرفه وولدي جاله هالمرض لما منعته من لهايته وعمره 10 شهور وكانت ماتطيح من فمه وبنفس الوقت سافرت وخليته عند امي دقت علي امي وقالت ترى ولدج شريناله لهاية جديدة الولد عيونه راغت ( مثل الحول ) وصارت فيه حراره وقام يمص اصابعه وعرفت انه مشتهي المصاصه وكسر خاطرها ونحف ورفض ياكل او يشرب وكله يبكي قالت حرام نمنعه من امه ولهايته بوقت واحد وقالت اذا بتقطعين لهايته لازم تكونين موجوده معاه اخف وارحم

الله يهدينا وإياكم لحسن الظن !

الشهوة اسم عند العامة يطلق على من يتعلق بشيء معين ثم يحرم منه وتصيب الكبار والصغار سواء ومنها تعلق نبي الله يعقوب بولده يوسف عليهما السلام حتى فقد بصره ولما ألقوا علي عينه ثيابه أبصر ! ووالدة موسى عليه السلام والله قال ( وأصبح فؤاد أم موسى فارغا إن كادت لتبدي به لولا أن ربطنا على قلبها لتكون من المؤمنين ) الفراغ هذا هو تعلقها بولدها واشتهائها لضمه بشدة لدرجة إنها كانت من شدة فراغ فؤاده بتعرضه للضرر وتعترف لفرعون إنه ابنها لولا أن ربط الله على فؤادها وثبتها!!

وعندنا طفل أعرفه تعلق في أمه وحجت وحصل معه نفس الوضع حرارة وبكاء وو ومستشفيات ومهدئات ووو ولا نفع فيه شيء حتى سمعت بوضعه وحدة كبيرة في السن قالت ما عنده إلا شهوة على أمة ( تعلق يتبعه حرمان ) أعطوه شيء من ثيابها فيه ريحتها حتى ترجع وبالفعل سبحان الله صار ينام ويصحى على ثوبها وتحسن وضعه حتى رجعت وارتمى في حضنها بطريقة مفجعه!

علاج ابنك ممكن يكون في ملابس من تعلق بها وممكن تكون أنت

الله يشفيه

استغفرالله

اصلا عمتك ام زوجك هي اللي فاهمه السالفه خطاء

الشـــــــــــــهوه

يعني الانسان تطقه الشفقه على على اكل يشوفه وانتي تاكلين وماتذوقينه

تطقه على اب او ام غايبين لهم فتره مثل يروحون عمره اوحج وهو متعلق بهم يصير يبكي
ويشتاق لهم

على الرضــــــاعه اذا فطمن منها على صدر امه اذا منعته وهو مشتهي يفقده ويفقد حنانها

ماله دخـــــــــــــــــــل بحاله ولدك والشغاله

الشغاله موجوده ولاسافرت وكل يوم يشوفها كيف تطقه الشهوه ويدورها

لو انها سافرت ومن يومها وهو يبكي بقول شهوه لكن موجوده خلاص


ولــــــــــــــــدك يسنن ومع الاسنان تطق الاطفال غلقه وقل شهيه

ماله دخل بالشـــــــــــــــــهوه

بنات تكفون ارحموا الناس من الردود اللي تغث اللي ماتعرف وش القصه لاترد عادي تمر وتطلع بلا ردود مالها داعي الحين صار المنتدى كله هواش ورد خارج عن الموضوع كل القصه ان فيه حاله تصيب الاطفال يسمونها شهوه وعندنا يقولون مشهوم والاخت قصدها الولد يبي الشيل بس يصيح على طول وماعاد ياكل ماقول غير الله يهديكم واسئلي الحريم الكبار ادرى بهالمواضيع

صاحبة الموضوع حبيبتي والله رحمتك من ردود البعض تقولين فيه بينك وبينهم عداوه لا وحتى بعد مارجعتي ووضحتي لهم تجي وحده ثانيه وتتريق وعلى بالهم وهم اللي مو فاهمين شي والله عيب هالاسلوب وبعيد كل البعد عن الاخلاق الحميده طيب مو فاهمين اسكتوا هي محتاجه نصيحه مو تريقه يعني اللي ما عنده افاده لا يزيد الاوجاع وبالنسبه لمرض ولدك معروف وبعدة مسميات اهم شي حاولي تسوين لولدك مثل الشغاله واكثر عشان يتعلق فيك ويتركها واذا كان هذا طفلك الاول ترى ياكثر مابتغلطين بس كل طقه بتعليمه والطفل الاول مسكين كل التجارب فيه