ولدي وجدو الغريب احس باقي شعره واتجنن ساعدوني / تم الرد

السلام عليكم شلونكم اول مره احط مشكله الله يعلم اني احترت وماعرفت اوصل لحل لحالي قلت استشيركم عل وعسى ارتاح
من حوالي 6 شهور صرت الاحظ على اصغر اطفالي وعمره 3 سنوات تصرفات غريبه معرفت افسرها ابو زوجي يجينا كل شهر ويجلس اسبوع اسبوعين واحيانا شهر واحيانا يطول مايجي بس دايما عندنا الله يعطيه الصحه والعافيه وماضايقنا بشي بالعكس كريم وطيب بس بديت الاحظ على ولدي ابو 3 سنوات تصرف غررريب نصحى بدري مع جدو واغسله والبسه واحطه عند جده بالصاله لانه يحبه ومن يشوفه يهلي ويرحب واخليه معاه واروح اسوي القهوه والا الفطور لعمي ومايمديني اوصل المطبخ الا اسمع صوت ولدي يبكي فجأه بقوه بكاء غريب يعني كأنه تعرض لضربه قويه او انكب عليه شي ساخن مع انه مؤدب وهادي وجالس يتفرج على افلام الكرتون بس ليش فجأه يبكي بالشكل هاذا مدري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واجي جري والاقي جده يبرر ويقول كنت ببوسه ومره كنت بشيله ...........الخ وبكى !!!!! معقوله يبكي كذا من بوسه وولدي مايمنع البوسات عادي عنده يحب الناس
طبعا مشيتها لاني ماادقق ولااشك في عمي ولا واحد بالميه وصار الوضع يتكرر كل يوم الين يسافر ومره من المرات جيت اجري كاالعاده على صوت ولدي يبكي بحرقه واول ماشافني جرى علي ويشاهق قلت وش فيك ياماما وحضنته وخذيته المطبخ معاي واسئله مايعلم ساكت جيته بكل الطرق مب راضي يجاوب مع انه قبل يرد علي ويجاوبني على كل الاسئله وهادي ماشاء الله ويطيعني يعني مايبكي بسهوله ولدي والله واعرفه يوم تكرر الوضع اكثر من 20 مره وبفترات طويله يعني حوالي 6 شهور والوضع يتكرر بديت اشك خاصة ان ولدي دايم يقولي ماما مااحب جدو جدو يخوف وكل ماشاف شي يخوف يقول زي جدو والله مب طبعي الشك خاصة عمي ماتوقعت اشك فيه بيوم رحت كلمت اختي وشرحتلها وقالت ماضن انتي تتوهمين وسكت وصرت كل مايجي عمي عندنا اضطر اذا انشغلت اخلي الولد عندي بالمطبخ علما يابنات ان عندي 2 غيره بس يدرسون والاحداث ماتصير الا بالصباح لما يكونون موجودين مايصير شي ومحد يبكي ابي اعرف هل شكي بمحله ووش تتوقعون يسوي فيه هل يضربه :( والا يتحرش فيه:( وليش ياترى وش السبب لاني تعبت من التفكير وصار وجوده عندنا مسببلي ازمه واخاف يكون شكي بمحله واخسر طفلي ابي نصايحكم ارشدووووني