tthkar @tthkar
عضوة نشيطة
ولدي وحالته اللي محيرتني أرجوكم طمنوني
السلام بنات
معليش بدون مقدمات بأشرح لكم حالة ولدي وعمره 7 سنوات راح لثاني
هو الحمد لله طيب بس إنه عصبي شوي بحكم إن أهلي مدلعينه لأنه أول حفيد
المهم مشكلته قبل شهرين صحى من النوم الساعة 12 وأنا منومته على 11:30 وكنت أنتظر أبوه يجي فجالسة بالسرير أتصفح كتب ديكور وما دريت إلا ولدي جاي من غرفته يركض ويصيح وهالشيء ماهو غريب عليه بس يبغى أنام عنده وخلاص ينام لكن ذاك اليوم يوم شافني صررررررخ وقال وين ماما؟!!!!!!!!!!! قلت أنا حبيبي ماما قال لا أنا أقولك وين ماما أنت بابا!!!!!! أنا هنا ما أدري ولدي يستهبل وأنا جاني ضحك بس بنفس الوقت خفت مسكته وضميته ويبعدني ويقول أنا أقولك وين ماما!!!!!!أخذته للصالة وفتحت النور وقلت حبيبي أنت تبي ماما هذاني وبابا ذا الحين يجي ويصيح ويصرخ ويعيد نفس الكلام أنا قمت أرجف والدمعة عند الباب حسيت إن الولد ما صحى أو فيه شيء أخذته ومشيته معي ويدفني وخايف مني ويقول أبغى ماما, فتحت الباب اللي ينزل على تحت لأني بدور علوي وكان فيه مرايا بالدرجة ولما شاف المراية التفت علي وضحك وقلت هاه أنا ماما وإلا بابا؟ قال لا أنت ماما وضمني ورجعنا للصالة وجلست أقرأعليه إلا أبوه يدخل وأنومه عندي بالسرير وأقول لأبوه السالفة وقال يمكن يحلم عادي يا بنت الحلال.
هذا أول موقف استنكرته عليه والثاني قبل أسبوعين كل يوم يصحى ويجلس يصيح ويلتفت كأنه يشوف شيء ويدخل أصابعه في فمه من الخوف بعدين أسمي عليه وأنومه عندي وإلى الآن مستمر على هالحالة حتى قبل شوي جاني ورحت نومته
وقبل يومين تقريباً ما نمنا إلا الصباح أنا وعيالي وزوجي صاحي وجالس بمكتبه يقول ما دريت إلا الولد واقف عند الباب ويأشر لي أجي وأنا أحسه ما صحى ولما جيت معه جلس بالممر ويصيح وخايف وكأنه يشوف شيء يخوف وأخذه ووداه لدورة المياه يبغاه يصحى إلا الولد ياقف عند الحمام ويقول لأبوه اسكت بعد ما حط اصبعه على فمه يقول قلت له تبغى شيء وإلا تبغى ماما ويناظرني الولد بقووووووووة وكأنه ما يعرفني وسحبته ودخلته الحمام وصحى وبعدين أخذه للسرير ونام
هذي مشكلته اللي مقلقتني وحابه أسألكم هل فيه أحد مر عليه زي كذا وهل هي أحلام وكوابيس طبيعية لأطفال بهالعمر؟؟؟
علماً إنه عندي ولد ثاني وينامون بغرفتهم جميع وما عندهم صور أبداً ولا دببة ولا ألعاب فيها صور
ويومياً قبل ينامون نقرأ دعاء النوم وآية الكرسي سواء وبعدين أقص عليهم قصة والحين لهم 4 أيام وأنا أنومهم وياي بالغرفة بفراش حطيته لهم بالأرض قلت عشان يتطمن لكن قبل شوي صحى وهو يصيح وجلس عندي بالأرض ومغطي عيونه
طمنوني الله يسعدكم
45
4K
يلزم عليك تسجيل الدخول أولًا لكتابة تعليق.
*دلووعه زوجها*
•
بسم عليه , ودوه للعياده النفسيه واشرحوا للدكتور حالته وهو يفسرها لكم , وماقدامه الا العافيه ..
تباعه
•
والله بسم الله حالة ولدك مو طبيعيه مابي اخوفك بس من الافضل تروحين لشيخ
او بسم الله عليه اخوانه مخوفينه بشيء أسسأليهم
ومدامك تحصنينه فوضي أمرك لله
دعواتك اذا افدتك
او بسم الله عليه اخوانه مخوفينه بشيء أسسأليهم
ومدامك تحصنينه فوضي أمرك لله
دعواتك اذا افدتك
ماعندي فكرة الله يحفظه لك بس انتي ضروري تطمني عليه وديه عند اخصائي نفسي مثلا ولاتنسين تطمنينا عليه
لاتخافين حبيبتي يمكن كوابيس فيه ناس تجيهم كوابيس وانا منهم انتي قبل النوم اجمعي كفيك واقراي فيها وانفثي وامسحي جسمه وخليه يقلدك واكرر لاتوسوسين وحفظيه اية الكرسي يقراها قبل النوم بصوت عالي شوي ومافيه الا العافيه الله يطمن قلبك ويريح بالك
الصفحة الأخيرة