الله يشفيه يارب

ياحبيبتي انا ولدي راجعت فيه عند الدكتور حرب والحمدلله من قال لي على حليب الإبل وولدي مرتاح من الحساسيه الحمدلله.وكان عمر ولدي 6 شهور وماضره ياربي لك الحمد ,وكنا نأخذ من الوطنيه حليب كميه وافرزنه لأنه مو كل يوم تلاقينه.حتى لما أسافر كنت آخذه معاي والحمدلله ماشاف إلا العافيه ,توكلي على الله وأعطيه إياه.

ياعمري عليك ابشري وانا اختك جاك الفرج..
انا ام واولادي كاهم يعانون من الحساسية ومن حليب البقر بالذات...وهم صغار جبت لهم حليب الصويا ونفعهم فترة وملو منه لانه طعمه مو حلو...وتمر الايام ويجينا شايب معاه جيك فية حليب ابل وحلف علينا نجربة لاولادنا وانا كنت خايفة مره عليهم وماكنت اعطيهم اي شي واي حاجة اشك انها تسوي حساسية مااعطيهم اياها وتوكلت علا الله وغليته وحليته بالسكر وصبيتاهم في كاسات وقلت اشربو..ورحت اجيب الفينيستيل مضاد الحساسية لاني توقعت يضرهم..وسبحان الله ماصار لهم شي
واليوم الثاني وارجع اعطيهم وماصار شي عليهم واستمريت ٥ ايام وبدت الصحة تبين عليهم والحساسية اللي كانت من قبل راحت والا يومك ذا اعطيهم وانا ادعي لشايب اللي جابه لهم..
نصيحتي لك توكلي علا الله واعطية في البداية اذا ماتحسس ابشري بالخير وباذن الله ليتحسن وتزين صحته وتتقوا مناعته او ماهو ممتاز مانصحك الدكتور علية واي سوال يالغالية اسالي انا في الخدمة
والله من زمان بكتب تجربتي مع حساسية حليب البقر بس ماجات فرصة زينه
والحمدلله اولا واخيرا

الله يوفق كل وحده ردت على ويسلمها ويخلي لها عيالها ويحفضهم من كل شر

العياده على شارع التخصصى فى مبني رامه للاسنان خلف هايبر بنده ونصيحه انك تروحين لهم بس انهم غالين شووي الكشفيه 400 من غير التحاليل والاشعه 2000 بس يستاهلووون