ولدي وحليب الام

السلام عليكم ورحمة الله وبركاته
اخواتي في عالم حواء كل سنه وانتو طيبين وصبحكم الله بالخير

كيف حالكم واش عاملين عساكم بااحسن حال.


حبيت اسال واستفسر عن الرضاعه الطبيعيه انا والده لي شهرين وتنعد عد المرات اللي ولدي رضع فيها طبيعي واحس اني بديت اكره عمري بسبب انو يعشق الببيرونه بشكل مو طبيعي
يعني انا لمن ارضعو احط الحلمه السليكون ع اساس انها تساااعدو وفعلا حلمتي نهاااءي ماراح يمص منها لكن السليكون حيمز مزتين ويبكي
ممم مااتوقع المشكله قلة حليب لا المشكه هيا حلمة الببيرونه وحلمتي مني عاارفه بيقولولي اجلب له الحليب في ببيرونه بس مااحس الفكره دي عمليه ولو اجلب له اش هيا احسن طريقه..
واللي صار لها زيي اش سووت انا سمعت انو في نااس اولادهم رجعو لصدورهم بعد شهرين مو شرط يعني بالبدايه وانا مااعندي مشكله الله يعلم بتعبي النفسي والجسدي بس في النهاايه ودي نستفيد احنا الاثنين
ع فكره كمان جربت احط له عسل على حلمتي مشي الحال شويه بس




اللي ترد واللي ماترد يسعدها ربي .وارفعو لي الموضوع لو بدعوووووه ربي قادر عل كل شي

تحياتي للجميع