ولدي ودي ادخلة الروضة بس مو قادرة

السلام عليكم
أخواتي كيفكم ان شاء الله بخير ،
بعرض لكم مشكلة ولدي عسى الاقي حل عندكم
ولدي عمرة خمس سنوات و كان ودي ادخلو الروضة ذي السنة بس ما قدرت و السبب ، ولدي الحمد لله متعلم على الحمام و يدخل الحمام عادي بس مشكلتي مايجلس على كرسي الحمام يعني يبول و يتبرز و هو واقف مايجلس ، يخاف يجلس على كرسي الحمام لانة يجلس على أطراف أصابعة و يخاف يطيح فيقوم على طول ، ولدي أغلب الأحيان يمشي على أطراف أصابعة مايمشي عادي و اتعود على ذي الحالة، الحين لما يدخل الحمام مايغسل نفسة لانة ما يقدر يجلس و يغسل يخاف يطيح على كرسي الحمام ،،، وديتة لدكتور عظام قال مافية شي طبيعي و ماوصف لي أي شي علاج لة ، الحين انا حايسة معاة مو راضي يجلس على كرسي الحمام جلسة عادية ، رغم أني اشجعة انة يجلس عادي بس مو راضي يجلس بشكل طبيعي على الكرسي ، جربت معاة أنة يجلس على كرسي افرنجي وصار يجلس علية عادي اما الكرسي العربي مستحيل يجلس جلسة طبيعية علية ،،، عندي سؤال لكم ،، هل دورات المياه حقت الروضة فيها كراسي افرنجية ؟ ودي ادخلة الروضة بس ابغى اعرف هل يحطون للاطفال كراسي افرنجية و لا عربي ؟ اكيد عيالكم الصغار يكلموكم عن روضتهم ، ولدي يجلس عادي على الإفرنجي اما العربي مايجلس علية يخاف يطيح ؟؟ او اذا في روضة فيها عاملات يغسلون للاطفال إذا دخلوا الحمام علموني عليها انا من سكان الطايف ، افيدوني الله يوفقكم