ولدي ورفضه الشديد لدخول الحضانه عطوني الحلول الله يسعدكم

5 سنين ماشاء الله رجال تمهيدي مو حضانه وديه للمدرسه وخليه يشوفها يمكن لاشاف الاولاد واللعب يغير رايه ولو كان عندك احد اقاربك بعمره سجليه معه علشان يتشجع والله يخليه لك

سبحان الله نفس حالة ولدي بالضبط بس ولدي عمرة 4 سنوات و3 شهور فديته

ومشكلته أنه يقول يخاف من الروضة ومن اي مكان أنا مو موجودة فيه الله يجازي إلي كان السبب .. جهال العيلة خوفوة بالخبابو على قولتهم وألحين كل يقول في الروضة خبابو متخبي .. وماني عارفة ويش اسوي .. الله يبعد هالخوف عنه .حاولت معاه بالترغيب والهدايا و بس ماكو فايده يبي اروح معاه واجلس لين يخلص ...

حبيبتي لاتقولين عن ولدك انه شخصيته ضعيفة قدامه أبد لأن نفسيته تتأثر بالعكس انزلي لمستواه وكلميه وحاولي تعرفي السبب يمكن الأطفال يضايقونه أو يضربونه وإذا عرف السبب بطل العجب ..
والله يهديه ويا ولدي ويروحو الحضانه على خير ويصيروا من افضل الرجال ..


تحياتي

حبيبتي صدقيني الطفل بمجرد التحاقة بالتمهيدي تتغير شخصيته تماما وخاصة عند اختلاطه بأقرانه في الصف والمعلمه لها دور كبير في تغير الطفل وفي خلق جو ألفه وموده بين الأطفال وبالنسبة لأغراض الطفل وادواته سواء المدرسية او الخاصه صدقيني وخليك واثقه كل الثقه انها ماراح تضيع او تتلف لأن من برامج الروضه تربية الطفل وتهيئته تهيئه سليمه من تعليم النظام واحترام الغير ومن انواع الاحترام ممتلكاتهم يعني انا لا ااخذ اغراض صديقي
النقطة الثانية بالنسبة للخجل والانطواء شئ جدا طبيعي للطفل او ما يطلع من مجتمع صغير اللي هو مجتمع العائلة الى مجتمع المدرسة من مدرسات واطفال وعاملات يعني عدد كبير بينتابة شعور من الخوف والانطواء ومن هنا المعلمة لها الدور الكبير في احتوائه صدقيني خبرة تدريس سنتين في مجال رياض الاطفال والحمدلله قدرت افهم سلوكيات الطفل وكيف التعامل معهم واتمنى ان ولدي في سن دراسه لانه توه صغير عمره سنه كان وديته وانا مغمضه عيوني لاني واثقه بالله سبحانه وبمعلماتنا
وايضا اختي لا بد من الدموع والبكاء لانه بياخذها في البداية وسيله للتعبير عن رفضه ويسترحمكم من خلالها لكن توكلي على الله وقوي قلبك وكلها اسبوعين بيبكي يوم ويزعل يوم وبعدها بيصيح ان جيتي تاخذينه من التمهيدي من كثر ما يحبها ويتعلق فيها
اعتذر على الاطاله لكن حبيت افيدك
لانه مجال عملي

(عيون مغفصه)

احنا بالكويت 5 سنين يعتبر لسه حضانه ما يدخل المدرسه

ياربييييييي هذا اللي اسويه ادور احد من الاقارب يدخل معاه عشان يتشجع

الحضن الرؤوم مستجيل اقول قدامه انه شخصيته ضعيفه


بالعكس اشجعه بكل كلمات التشجيع اللي اعرفها بس مافي نتيجه...


مشكوره حبيبتي عالمشاركه