ولدي وسن المراهقه

اهلين حبيبتي وربي يطرح فيه الخير والبركه

عيالي توهم صغار بس حبيت اقولك نقطه معينه للمراهقين

مايحبون احد يعطيهم اوامر ولا الضرب حاولي انتي وابوه قد ماتقدرون لاتضربونه ترى لاسمح الله بعدين راح تندمين صدقيني اذا ضربتوه راح يبعد عنكم ويلقى عيال الحرام الله يكفيه شرهم يترصدون للاولاد بهذا العمر

اهم شئ كثري جلوسك معه وحاوريه باي مجال يحبه وخلي ابوه يصحبه وياخذه معه بكل مشوار يناسبه ( اذا كبر ولدك خاوه )

وبعدين بيني اهميته بالبيت يعني كلمي اخواته بحضوره هذا اخوكم ان شاء الله يلبي طلباتكم ويوديكم اي مكان تبغونه

وماراح يقصر معاكم لانه يخاف عليكم ويحبكم بس مو كل دقيقه تقولينها لا بالوقت المناسب

حاولوا ماتعاندونه بطلباته البسيطه لانه بالفتره هذي يشوف ربعه ويحب يكون مميز عنهم بكل شئ

اسمعي له كثير خليه يلجا لك بكل حاجه وسمعيه الكلام الزين والمدح واحضنيه وقبلي راسه

...................

طبعا الدعاء من الحين ان الله يسخر لكي ويحببه بدينه وصلاته ويرزقك بره ويبعد عنه عيال الحرام

كل سجده تسجدينه خلي هذا دعائك وكثري من الاستغفار

..............

على فكره ترى كل مراهق يختلف عن الثاني

............

الله يسخره لكي ويفرحك فيه بأعلى المراتب

مشكوره ياالغاليه ماقصرتي والله يبارك لك في عيالك يارب

ابعدي عن الضرب لانه يحس بالاحتقار ويتنرفز اكثر
دايما طلباتك تكون فيه مدح
ونصحك لازم فيه مدح
وهواشك لازم فيه مدح
كذا يتقبل
سواء ولد مراهق او كبير او حتى زوج

رفع للفائدة

بنات وينكم معقوله مافي احد عنده ولد في سن المراهقه مافي الا اربع الي ردوا