ولدي وصديقه بالمنتدى ؟؟؟؟؟

هلا اختي

والله انا قد سألتني وحده عن بنتها وصديقتها في المنتدى قالت ابي رقمك طبعا

قلت انتي خبله تعطين البنت رقمك

بس اذا على الولد والله بعد انا ماأايد انه يعطيه الرقم

مافهمت شئ عذرا اختى وضحى ايش المطلوب والسالفة

السالفه ان ولدي له صديق بامنتدى عن طريق النت تمام

ويبي ياخذ رقم جوال ولدي عشان يزوره بالبيت ؟

وانا محتاره اوفق ولا لا

بحكم أني خالة مااشوف فيها شئ ان شاء الله

لكن في البداية اسأليه عن زميله
خليه يكلمك شوي عنه

وبيني له شعورك وانه اذا كان كويس مافيه مانع

ولما يجي البيت خلي زوجك يجلس معهم شوي ويحاول يتكلم مع الولد >>> بس لا يحقق معه

اذا صار الولد كويس أهو ولدك كسب صداقات جديدة

وإذا مو كويس يتكلم زوجك مع ولدك ويوضح له شعوره تجاه الولد
بطريقة الحوار

صعب انك تحرمينه من تكوين صداقات جديدة
طالما انه مسموح له يجلس على النت

ولد اختي ( عمره 12 ) سنة كان يتكلم على الماسنجر مع وحده اضافت ايميله
من المنتدى الي هو يشارك فيه
لما راح وجلست على الماسنجر وقريت الكلام وكله عن افلام الكارتون
استغربت انه يتكلم مع وحده لانه ماشاء الله واعي ولا هو راعي حركات
تكلمت معها بطريقة عفوية مو بطريقة التحقيق ماادري الا قلبت الصورة الرمزية
في الماسنجر لصورة بنت شابة وشكلها مغري
عرفت تلقائيا انه مو بنت بل ولد نواياه سيئة
وجاء ولد اختي ووضحت له الي صار وقلت له شكوكي
قام هو بنفسه حذفه من الماسنجر وعمل حظر
ماكنت ابي اني انا احذفه مع ان ولد اختي راح يتفهم لو قلت له
لكن تعاملت معه كشخص ناضج وخليته هو يتخذ القرار وينفذ
لانه مو طول الوقت معه احد يعلمه

وسلامتك ..

اقترح عليك يقابله بمكان عاااااااام واذا الولد خلوق وتمام وارتاح له يجيبه للبيت...طبعا اذا عمر ولدك 15 وفوق واذا اصغر يكون ابوه معاه في اول لقاء يعني كانه بيعرف ابوه على الولد....