ام راكان1407 @am_rakan1407

عضوة جديدة

ولدي وقت النوم

مساء الخير كيفكم ياحلوات

عندي مشكله مع ولدي لها تقريبا 3 اسابيع وودي تساعدوني ولدي كل يوم يقوم في الفجر يبكي كثيير لمدة نص ساعه كل يوم على هالحال وماادري وش يبغى واوقات يكون مفتح واوقات مغمض واحاول اذا بكى اعطيه مويه او اي شي يسكته بس بدون فايده
عمره سنتين ونص والرضاعه فطمته منها من شهر وبسم الله عليه ماعانيت معه بس الثلاثه ايام الاولى وبعدين نسيها واحاول قبل ينام اعشيه عشان مايجوع ياليت تساعدوني

يلزم عليك تسجيل الدخول أولًا لكتابة تعليق.

تسجيل دخول

ريـمـيـه • 12 سنة

الله يوفقك يااااارب البنات يفيدوك

@روقيه والفخرليه@ • 12 سنة

حبيبتي اقري عليه القران شفاء

..sky • 12 سنة

اقري عليه اذا مو عادته الصياح وبعدين يمكن ابنك احد مخوفه او شايف شي يخوف لان بنتي عمرها سنتين وعشر شهور طبعاً عادتها الصياح ماتسكت الا برضاعه قبل كم شهر تقعد بالليل وتصيح صياح قوي وتبعد عني ماتبي احد يمسكها ويقرب منها حالتها ذي بعد ماجينا من اهل زوجي والحمد لله قعدت اسبوع على ذا الحال لين راح صياحها القوي ورحت عند اهل زوجي وقلتلهم السالفه الا وتجي حماتي تقول انو لما كنتو عندنا كان يلحقها ابن عمها الصغير ويخرعها ومن يومها بس ارقبها ماخليها تبعد عني اذا رحنا لهم لانهم بس يلحقونها ويخوفونها

انتعاش النسكافيه • 12 سنة

حبيبتي ولدك اكيد يعاني من شيء سواء كان نفسي او عضوي الله لايجيب شر

بنتي كانت كذا اذا سافر ابوها تنام عادي بس اذا جا الفجر قامت تصرخ وتصيح وشكيت للي حولي قالوا لي اكيد فاقدة شي يمكن ابوها

وماتصدقين والله يوم خليتها يكلمها قبل تنام وتسمع صوته نامت هذيك الليله احلى نومه الحمدلله

فانت حاولي تبحثين وتفهمين ولدك شفيه وش اللي ناقصه

ام راكان1407 • 12 سنة

مشكورين حبايبي عالردود
انا بصراحه ساكنه فوق اهل زوجي وولدي يحب ينزل عندهم كثير واذا مانزلته يجون يطلبونه ويجلس يبكي حتى ينزل
ولمن يكون تحت يلعب بالعاب عماته الصغار ويجلسوا يصارخوا عليه واسمعه يبكي بس وش اسوي والله تعبت وانا احاول مااخليه ينزل ومافيه احد يسمعلي بس ان شاء الله قريب راح اسكن في بيت وحدي ويارب يرجع ولدي طبيعي