ولدي ولعبة الاون لاين 🥺💔

السلام عليكم ورحمة الله وبركاته
ولدي عمره ٩ سنوات ومن العام الماضي يزن علينا يبي اون لاين وابوه رافض رفض قطعي يقول ان العيال يتعلمون الكلام البذيئ والاشياء القذره قبل سنهم من العاب الاون لاين 🤕
كنت اقول يبالغ ودايم احاول اقنعه مع ولدي وانه وحيد وطفشان ولكن دون جدوى

ولدي يأس من انه يفعّل الاون لاين في السوني وبدأ يحمل العاب في جوال وبمراقبتي
مر الاسبوع الاول بسلام
وقبل امس جاني ولدي يقول اسمعي ياماما صديقي يقولي كلام انا ماافهم اش قاعد يقول ؟
وصديقه من دوله خليجيه وكان توه متعرف عليه ماله ساعتين يلعبون سوا لكن للاسف الولد منحرف والمصيبه عمره ١٠ سنوات 💔
المهم فتح المكرفون وكان الولد يقول لولدي بنسدح عليك وكلام بذيئ جدا لدرجة ولدي يقول اش يعني ياماما اش قاعد يقول 😭😭😭😭
وقتها بس صدقت زوجي ونددمت قد شعر راسي اني طاوعت ولدي وخليته يحمل اون لاين وفهمته انه قاعد يقول كلام وسخ وانك لازم تتخلص منه وتحذفه قال ياماما بس هو يساعدني ويعطيني اسكنات ومساعدات مرره كثير وجلس يبكي << يااااووييل قلبي ولدي تعلق فيه عشان يعطيه اغراض للعبه 😭😭
المهم فكرت وقلت له ياولدي الكلام هذا حرام مايجوز وانت رجال عاقل زي بابا وهذا وسخ قليل حياء والجوالات مراقبه الشرطه تسمع الكلام وتجي تاخذنا وصدقني بس الولد حزين جدا لدرجة نومته في حضني ماخليته في سريره وحده 💔💔
والحمدلله امس طلعته عشان انسيه ورجع مبسوط ونسي كل شي 💓
انتبهوووا لاطفالكم من الاون لاين والله العظيم انه دماار😭😭💔
اسال الله ان يخليهم لنا ويبلغنا فيهم ويحفظهم ويقر أعيننا فيهم ولايورينا فيهم مكروهه ♥️