ولدي ومدرسته الله المستعان ........

السلام عليكم ورحمة الله وبركاته

بنات محتاجه لكم تعطوني ارائكم وحلولكم لهذي المشكله

شوفوا بنات انا ولدي يدرس بالصف الاول في مدرسه المنصورة العالميه في جنوب الرياض وهذي المدرسه وانا اشهد لها تدريسهم ممتاز ومستوى الدراسه عندهم ماشاء الله تخيلو انه ولدي في مرحله الكي جي (التمهيدي) درسوه الجمع والطرح وجدول الضرب 2 يعني الدراسه ما عليها كلام

وين المشكله

المشكله يابنات انه المدرسه وسخه جدا جدا بكل ما تحمله الكلمه من معنى يعني قذره والله الجدران وسخه الحمامات وانتوا بكرامه قذرة الساحه وسخه الفصول الطاولات والكراسي فيها وسخه وقديمه

حتى المدرسات الله لا يوريكم ريحتهم تجيب الصداع وطبعا هم من الجنسيه الباكستانيه

تخيلوا ولدي لايعه كبده من المدرسه ومستحيل يروح الحمام يعني يمسك نفسه لين يرجع البيت

المطلوب يابنات والله اني تعبت ابي اي جهه حكوميه اقدر اكلمهم عن المدرسه ويكون لهم سلطه يقدرون يدخلون ويحلون هالمشكله لاني انا والامهات سبق وكلمنا الادارة عن النظافه ووعدونا انه كل شي بيصير اوكي بس والله ليتكم اتشوفون المدرسه بس
يعني مثلا انا من اقدر اكلم عشان يتصرف مثلا وزارة التربيه لها دخل ومن المسؤول عن نظافة المدارس بالرياض

يارب يابنات اللي عندها حل ترشدني له اشلون اتصرف

طبعا انا ما اقدر انقل الولد مدرسه ثانيه لانه جنوب الرياض بكبره ما فيه مدارس عالميه الا هذي المدرسة والمدرسه الهنديه وبس

بنات استناكم تكفون تفاعلو معاي وعطوني رايكم وحلولكم

اسفه على الاطالة