ولدي ومدرس الفصل

السلام عليكم ورحمة الله وبركاته ..

كيف حالكم ... اتمنى انكم بخير ..

عندي مشكله واتمنى تشورون علي اوتنصحوني شووو اسوي ..

ولدي عمره خمس سنوات (الله يخليه لي ذخر هووخواته ويطول بعمارهم) مشكلته مع استاذ المجال مدرس اللغه العربيه والتربيه الاسلاميه .. إلي لاحظته أن مستوااااه الدراسي تردى جدا يعني ماشاء الله يوم هو في الروضه كان يحفظ ويحب الكتابه .. ويحفظ الاحاديت والآيات ..

لكن في الصف الأول .. صار ضعيف جدا (تقيم الاستاذ) ولا يعرف يكتب ولا يعرف يقرأ .. مع أنه عندي في البيت الحمدالله يتملى ويكتب واذا دربته على القراءه يقرأ..

المشكله انه الاستاذ يهدد حضرته اذا ماتحسن الولد يرسبه في المادتين .. الحين افكر اني انقل الولد صف ثاني ..

ليش؟

1)لأني لاحضت ان المدرس غير نظامي (الكلمات الي مفروض املا ء موموحده للصف كل طالب يكتبله شكل ..او يكتبهن مقطعات على السبوره وينقلونهن الطلاب وطبعا نحن مانفهم ولا نعرف نقرأ الشيفره المكتوبه .. ويملي طلاابه في اخر الدفتر .. وش بيصير اذا طلب كراس للإملاء؟؟!!
2)المدرس طريقة تدريسه دهريه مثل الي على ايامنا .. خصوصا ان المناهج الجديده مختلفه جدا والمفروض المدرسين القدامى ياخذون دورات تدريبيه على المناهج الجديده ..
3)المدرس يستخدم اسلوب غير حضاري مثل اجلس يا حيــو.... وهكذا على كلام الطفل
وأمور ثانيه ..

الحين اقول لأبوه ننقله قال اخاف يتغير عليه كل شي ويكره المدرسه مب ناقص ..

والله ما اعرف شو اسوي .. تخيلوو الحروف الهجائيه عطاااهم اياها في 3 اياام اول السنه الدراسيه؟؟ متى يمديهم يحفظونها ..ولكني الحمدالله حفظته الحروف .. بتعبي ومجهودي الشخصي

ولا اكلم الاخصائي واشرحله ظروف الولد وطريقة معامله الاستاذ؟؟

الله يخليكن يابنات شورن علي