ولدي وولد اختي

مرحبا بنات كيفكم
ماكنت اتوقع بيوم أنزل مثل هالموضوع
بنات عندي اخت ماتبي أحد يلمس ولدها انا ولدي بعمر ولدها وعادي يلعبوا مع بعض ويتهاوشوا ويتضاربوا عشان الالعاب كل واحد يمسك في لعبه يعني عادي يتضاربوا وبعدها يلعبوا مع بعض ماتوقعت اختي تزعل وتصرخ ع ولدي لاتضربه قلت عادي تراهم اطفال قالت لا بكره تصير شخصيته مهزوزه كلن يضربه قلت هم يضربوا بعض ولدي مااعتدا عليه هو ضربه جاء ولدي وضربه تقول لا ولدي مايضرب أحد ماصدقتني وزوجها موصيها لحد يضرب الولد وهي مره مدققه ع ولدي لايضربه لايجيه أقولها ماراح يضربه تقول إلا دايم يضربه انا ولدي دايم معاه ماتركه اراقبه لأنه فيه فرط حركه ومتاخر لغويا انا مايهمني هالسوالف لكن تكذبني أكون شايفتهم بعيني تقول لا عاد ولدها يصرخ ويبكي اذا شافها ومع بعض عادي يلعبوا ويتضاربواومحد يبكي منهم
اللي حز بنفسي خواتي صاروا يخافون ع عيالهم من ولدي لانها تقول انتبهوا منه يضرب صاروا من يشوفوه كل وحده تحرص ع ولدها وهو يجري وراهم يبيهم رجعت متضايقه لبيتي عند اهلي يتضايقوا منه وخواته يتضايقوا منه وانا ملازمته ماتركه ومن متى ازورهم أطول ماجيهم ماتوقعت كذا اختي تزعل وتسوي قضية عشان لعب اطفال وترا أعمارهم ثلاث سنوات وكم شهر
رجعت متضايقه وارجف وراسي يدور حزنت عشان ولدي مريض وومايقدر يعبر بالكلام إلا كم كلمه محد يعذر ولايرحمه إلا كانه وحش ينخاف منه محد يشوف إلا ولدي وأولادهم محد يشوفهم أولادهم يلعبوا ويضاربوا محد يصدق إلا ولدي الكل عيونهم عليه لأنه مريض دعواتكم له بالشفاء العاجل
والله يكون بعون كل أم عندها ولد مريض المجتمع مايرحم