ولدي و الكلام و النطق هل هو طبيعي ولا لا ؟؟

هههههه عادي جدا الاطفال يختلفون
بنتي توها من كم شهر قامت تجمع سالفة مفهومة
و هي برمضان تكمل اربع سنين
انا اتوقع وراثة لان عمامها كذا و بنات اعمامها
و طبعا كانت وهي صغيرة لحالها مانختلط مع احد
و كنا بغربة شوي يمكن هذا الي اثر عليها
و كمان الوراثة لها دور مع اني اشوف للآن لسانها ثقيل
بس انفلتت شوي قامت تسولف و كذا
طبعا انتي سولفي مع ولدك خصصي كل يوم
نص ساعة مثلا تسألينه ايش هذا وايش سويت
العبي معه وخليه يشرح لك وش قاعد يسوي
و سولفوا مع بعض .. اذا كان يسولف عطيه وقته
يسولف لاتستعجلين عليه او تسخرين من طريقة كلامه
حسسيه انك معه ومتحمسة له حطي عينك بعينه
و شجعيه و اسأليه و خوذي واعطي معاه
و باذن الله يتحسن .. كمان الاناشيد رددوها مع بعض
و غنوا بتساعده .. الله يخليه لك

تسسسلمين على الرد و على قولتك يمكن وراثه لان لا انا ولا ﻻبوه على كلام امهاتنا
تكلمنا بسسرعه !! وانا بعد كنت مغتربه عن اهلي توني ومايختلط باطفال ابد
يعني هالكلمات لسى بدأ يقولها يوم صارو اهلي يحكون معه كلهم

و صح مقصره بالسوالسف معه يعني كلامي معه محدود ..
بسوي اللي قلتيه وان شاء الله يفلت لسانه


يعطيك العافيه و يخليلك بنيتك يارب

نفس ولدي سنتين وسبعة شهور للحين ماتكلم مرا حتى ماما بابا ماقالها !!
كلمتين او ثلاثه اللي يقولها وإذا طلبت منه يجيب شي يفهم بعضها وبعضها لا 

جداً قلقانه عليه ووديته كشفت عليه وعملوله اختبار وقالو الحمد لله مو توحد واعطوني فيتامينات وإذا كمل الثلاث وم تكلم يكون يحتاج جلسات تخاطب هو بكري وحسيت أني كنت مهملته وهو صغير ومااسولف معه كثير للأسف :(

الحمد لله ع كل حال