ولدي ياربي تشفيه

السلام عليكم ...انا من فتره نزلت موضوع عن ولدي انه اصيب بخراج بجانب فتحة الشرج وسوينا له تنظيف قبل 3شهور اللحين مكان الخراج صار صغيييييير مره ولكن يفرز صديد قليييييل جدا بين فتره وفتره بس من امس اشوف ان تحت الخراج السابق خراجثاني صغيييير كبر حبة الشباب الي بالوجه يعني صغييييييير وراسه ابيض وهو صاير تحت الخراج السابق بمسافه بسييييطه والله ياخواتي من شفته ماعرفت النوم اخاف يكون ناسور بس ولدي مايتألم عند التبرز الحمدلله ولا يطلع دم من مكان الخراج بس صديد مدري محتاره وش هذا هل هو ناسور ولا بس خراج ولدي من ولادته حتى الان وهو يجيه اسهال بين فتره وفتره يعني اسبوع طبيعي و3اسابيع اسهال سوينا تحليل للبراز طلع عنده بكتيريا وانا قريت بالنت انا الخراج يجي الي يكون ٲمعائهم تعبانه او مصاب ببكتيريا بالبطن . مدري هل عندكم شي طبيعي لتنظيف امعاء الاطفال من البكتيريا يعني شي يشربه لانه سمعت الكبار يشربون عشبه اسمها سنامكي وينظف القيلون عندهم بس الاطفال مدري ولدي صغير عمره 8شهور بس والله خايفه عليه انه يكون مصاب بالناسور المستشفيات صارت تخوف واصلا ماعرف دكتور جراحه ممتاز للاطفال بالرياض ويكون متخصص بجراحة الناسور ياليت الي تعرف تخبرني او تراسلني على الخاص وياليت الي تعرف احد اصيب بالناسور او الخراج وتشافى منه تقول. تكفون ياخواتي لاتنسون ولدي من دعواتكم ياربي تشفيه ومايكون الي فيه ناسور ياليت تعتبروني اختكم وتساعدوني وشاكره لكم. الله يتقبل منكم صيامكم ولايحرمكم الاجر