ولدي يبغى ومايبغى الروضة والله تعبت معاه ابغى حل

السلام عليكم ورحمة الله وبركاته
اخواتي الامهات وذوات الخبرة تكفون افيدوني اذا تقدرون
ولدي عمره الحين 4 سنوات و7 شهور وهو الولد البكر لي
طبعا انا معلمة في مجمع وفيه كمان روضة ولدي سجلت له الفصل الاول وما كان يرضى يجي خليت له راحته وجيت هذا الفصل وكان عنده رغبة شوي كان يداوم معاي بس انه يجلس عندي في مكتبي وحتى اذا رحت عنده وجلست في الروضة وفي فصله برضه مايرضى حتى يشارك معاهم واذا قلت خلاص اجلس بروح اجيب اوراق واجي يقلب لهم الروضة مناحة وبكى ومايقدرو يسيطرو عليه معلمات الروضة يقومو يرسلوه لي او ارسلون لي عشان اروح له . قمت وسجلت له في روضة ثانية وكان نفس الوضع . كنت اروح معاه اسبوع واذا طلعت وقلت بروح وارجع لك ثاني يجنن المعلمات والبكى والصياح . رجعته عندي في الروضة اللي في نفس مدرستي زاد حاله مرة ماصار يجلس ابدا بس يبغى يلعب بالاغراض اللي في الفصل او وقت اللعب في الالعاب فقط بس ما يجلس في الحلقة او يشارك معاهم ولاشي مرة . مع انه ماشاء الله نبيه مرة بس مايركز ابدا ابدا . والله ان قلبي يوجعني عليه وانا اشوف اطفال اصغر منه ماشاء الله تبارك الله وهم يشاركون ويكتبون ويرسمون ويتجاوبون مع معلماتهم .
على فكرة :
مافي عندنا في الديرة غير هذي الروضتين فقط وحتى دار للاولاد مافي
اللي عندها حل تعطيني اياه تكفووووووووووووون والله اني زعلانة جدا جدا . ومشكلتي اني حريصة عليه والله ان ودي يتعلم ويريح نفسه ويريحني عشان المدرسة بعديييين تكفووووووووووووون الله يهديهم جميعا