السلام عليكم
يا أمهات ولدي صف ثالث مدرسة طفولة مبكرة معلمات يدرسونهم فيه ولد معه بالفصل يتنمر عليه و على غيره و مستقعد لولدي لدرجة حتى اذا طلع يبي الحمام الله يكرمكم يطلع وراه يدفه والا يقط عليه كلمه
طبعا المعلمة عندها خبر واعطت انذار لهذا الولد وقالت اذا تكرر بفصلك فصل تأديبي!
ولدي مقطع قلبيييييييي هذا الولد مستقعد له بشكل وقت الفسحة يجيه و يدفه من بطنه و ياخذ فسحته و يحرجه قدام زملاءه!
و احنا يا امهات الاولاد بقروب بالواتس و اغلب الامهات يشتكون من هذا الولد و امه موجودة تخيلو وش ردها!!!
تقول ولدي ماني مسؤولة عنه داخل المدرسة المعلمات مسؤولات عنه!!
أخلت مسؤوليتها من ولدها داخل المدرسة!
تخيلو سهرانة ماقدرت انام بكرة بروح للمدرسة اشتكي عند الادارة
هل يحق لي اقابل الطفل و اتفاهم معه!!
امه تقول مايحق لك تجين من برا المدرسة و تهاوشين ولدي ترى فيه قانون يحميه!!! ارتفع ضغطي منهااااااا
انا ماني مهاوشته على قولتها ابي اقوله له مااسمح لك تمد يدك على ولدي ولا على غيره ابي اوقفه عند حده هالولد بلطجي يحسب نفسه اقوى واحد و مهجد الفصل عرفتوا حركات العيال 😩😩😩
بالله شلون اتصرف مو قادرة انام احس بقلبي جمرة
وكيف اقنع ولدي مايغيب وكيف اعلمه يدافع عن نفسه من غير ما يمد يده
اسفة طولت عليكم😩
سآلجآن @salgan
عضوة فعالة
يلزم عليك تسجيل الدخول أولًا لكتابة تعليق.
زائرة
•
انطيج حل ...اكتبي بورقة شكوى و خل يوقعن عليهه كل امهات الاولاد المتأذين من هذا الولد وروحي للمديرة وقوليلهه اذا ما تأدبون هذا التلميذ نروح للوزارة مشتكي اولادنا امانه عندكم ما جايبهم للمدرسة حتى يصيرون معقدين نفسيا
هذا التعليق محذوف
بنتي تنمرت عليها انها قصيره والله ماتحملت ع طول رحت وشكيت المرشده قلت مارضى بنتي وحيدتي تنهان بشي الله خالقها فيه وخلقه ربي محليها فيها واجمل ماخلق ربي بعيوني حبيبتي ماسكت والله ولاراح اسكت عن اي تنمر يحصل لعيالي اروح واشكي المدرسه تاخذ الحق وان ماشفت به تجاوب اروح بنفسي واتابع الوضع بعيوني عشان اشوف النوعيات هذي اوقفها عند حدها
والله ماقصرت المرشده حلت الموضوع م بكرى ع طول استدعت البنت وبنتي وسمعت منهم كامل وخلت البنت تعتذر م بنتي والحمدلله وقفتها عند حدها وصرت كل ماترجع م المدرسه اسال بنتي واقولها لاتسكتين عن حقك اي وحده تتعرضك بكلام باذى بامتلاك خصوصيتك اوحقوقك هدديها مجرد تهديد ان امي راح تشكي لك للمرشده والحمدلله طبقتها وفعلا حتى بنتي حسيتها تقوت بالمرشده لانها عرفت ان وراها ام تشكي ماعندي مانع اروح بنفسي لو يوميا معها واشكي اهم شي سلامة بنتي جسديا ونفسيا ندرسهم ويبتعدون عنا ساعات وقلوبنا ضايقه انهم بعيدين عنا بالنهايه اكتشف ان فيه نوعيات تضايق حبيبتي وهي ي عمري حبوبه ومسالمه وعادي تسامح ع طول ماتحب المشاكل بس انا اخاف م كتمانها بالنهايه راح يضرها ماراح تنفعها هالنوعيات لكن الله يصلح الحميع ويحفظ عيالنا وبناتنا م كل اذى
والله ماقصرت المرشده حلت الموضوع م بكرى ع طول استدعت البنت وبنتي وسمعت منهم كامل وخلت البنت تعتذر م بنتي والحمدلله وقفتها عند حدها وصرت كل ماترجع م المدرسه اسال بنتي واقولها لاتسكتين عن حقك اي وحده تتعرضك بكلام باذى بامتلاك خصوصيتك اوحقوقك هدديها مجرد تهديد ان امي راح تشكي لك للمرشده والحمدلله طبقتها وفعلا حتى بنتي حسيتها تقوت بالمرشده لانها عرفت ان وراها ام تشكي ماعندي مانع اروح بنفسي لو يوميا معها واشكي اهم شي سلامة بنتي جسديا ونفسيا ندرسهم ويبتعدون عنا ساعات وقلوبنا ضايقه انهم بعيدين عنا بالنهايه اكتشف ان فيه نوعيات تضايق حبيبتي وهي ي عمري حبوبه ومسالمه وعادي تسامح ع طول ماتحب المشاكل بس انا اخاف م كتمانها بالنهايه راح يضرها ماراح تنفعها هالنوعيات لكن الله يصلح الحميع ويحفظ عيالنا وبناتنا م كل اذى
إسبريسو
•
المفروض فعلا الاداره هي المسؤوله وهي اللس تتصرف انتي روحي واشتكيه لكن لاتكلمينه ولا تهاوشينه وهم لازم يشوفون حل مدام الام فوضت لهم الامر بالكامل خلاص يتصرفون
كلام أم الولد صحيح
المعلمات والمديره هم المسؤلين عن كل الاولاد وسلامتهم
انتي دورك يتركز على طفلك فقط تعلمينه كيف يدافع عن نفسه وما يكون ضعيف وانهزامي وجبان الكل يلطش فيه وهو ساكت وطبيعي اصلاً تكون ردة فعله كذا لانه مجرد طفل ما يعرف شي بالحياة انتي وابوه اللي لازم تعلمونه كيف يواجه هذي الصعوبات
اما بخصوص الولد المشاغب اللي عليك تسوينه انك تكلمين الاداره بشكل جاد سواء بالاتصال او تزورين المدرسه بنفسك عشان ياخذون الموضوع بشكل جاد ويستدعون أمه ويكلمونها ويتفاهمون معاها بطريقتهم
المعلمات والمديره هم المسؤلين عن كل الاولاد وسلامتهم
انتي دورك يتركز على طفلك فقط تعلمينه كيف يدافع عن نفسه وما يكون ضعيف وانهزامي وجبان الكل يلطش فيه وهو ساكت وطبيعي اصلاً تكون ردة فعله كذا لانه مجرد طفل ما يعرف شي بالحياة انتي وابوه اللي لازم تعلمونه كيف يواجه هذي الصعوبات
اما بخصوص الولد المشاغب اللي عليك تسوينه انك تكلمين الاداره بشكل جاد سواء بالاتصال او تزورين المدرسه بنفسك عشان ياخذون الموضوع بشكل جاد ويستدعون أمه ويكلمونها ويتفاهمون معاها بطريقتهم
الصفحة الأخيرة
وحسبي الله على كل أم تهمل عيالها و تحط المسؤولية على المدرسة
المفروض توجهه تنصحه مو تشجعه عالخراب😡