ولدي يحب المكنسة الكهربائية والمطبخ

السلام عليكم

لاتضحكون علي يابنات انا عندي مشكلة يمكن تشوفونها عادية او مضحكة لكن من جد انا متعبتني :35:


مشكلتي ان ولدي يحب المكنسة الكهربائية :35: (( عمره سنتين و10 شهور ))

ماادي ليش يحبها من يوم يقوم الصبح يدورها ويشغلها وازعاااااااااااج واخته الصغيره تفصلها ويتضاربون وانواااااااع الازعاج

هذا اذا خليته واذا منعته يصيح ويبكي :icon33: واول مانقرب من المحل اللي مقفله عليها فيه يقول مسه مسه يعني مكنسة واول مايتوصخ المكان يقول مكنسه
واذا خليته يكنس يكنس شوي ويفصلها شوي ويكنس ويفصل ويلم السلك ويرفعها محلها وشوي دقيقتين يرجع يشبكها ويكنس ويطفي ويولع ويتضارب هو واخته وازعاااااااج مره

اخفيتها في مكان بعيد واكنس وهو نايم تخيلو احيانا اذا سمع صوتها من الفرحة يصحى من نومه

انا مااقدر استغنى عنها عشان اولادي صغار ويوسخون البيت على الاقل لازم اكنس مرتين باليوم
:mad:

على فكره هو تركها فتره يمكن 3 شهوور نسى وماعد تعنيله شيء مره فرحت

والحين من بعد عيد الاضحى رجع يحبها مدري وش خلاه يرجع لعشقه القديم :icon33:

طبعا احراج حتى اذا رحت لامي او وحده من خواتي ياخذ المكنسة حقتهم ويشبكها ويكنس واذا شالوها قعد يصيح ويبكي :mad:

هذا غير الازعاج وغير اني اخاف عليه من الكهرباء اضافة الى انا اشترينا راس مكنسه 3 مرات لانه يكسرها

المهم ابغى حلول عمليه تخليني اعدل هالسلوك واخليه يكره المسه ( المكنسة)

يالله يانا ارتحت في هالثلاث شهور راحة بس رجع ...

لاتقولون كنسي بيدك لانه متعب ولاتقولون غيري المكنسة واشتري شيء ثاني زوجي يرفض يقول كل البشر عندهم مكانس وعندهم اطفال

اضافة الى انه يحب المطبخ ويفتح باب الفرن ويوقف عليه ويحط قدر وبصله بقشرها ويحرك وبصراحة انا اخاف عليه لو فيه شيء على البوتاجاز ينكب عليه كمان الغلاية يعبيها مويه ويحطها ويولع ( هي غلايه كهربائية) كمان يشبك المكوى ويكوي الملابس

طبعا لاتحسبونوني مهمله او مخليته براحته انا طول اليوم واره مااخليه لحظه لو دقيقة اخليه لاقيه مسوي هالاشياء

المطبخ اشتريت له حاجز من مذكير وارتحت الا انه الحين صار يعرف يفتح الحاجز وفي لحظه يفتح باب الفرن ويحط قدر واذا فيه قدر يحرك اللي فيه او يرفع الغلاية او يصب مويه من البرادة طبعا انا الحين اقفل المطبخ بالباب والمفتاح واعلق المفتاح بس صار يطلع على السيكل وياخذ المفتاح والحين صرت احتفظ بالمفتاح في صدري :27:
والمكوى احطه في دولاب في المطبخ ومااطلعه الا وقت الحاجة
والمكنسة مقفله عليها في المجلس
والغسالة مقفله عليها لانه اذا دخل يعبيها مويه ويصب تايد ويحط ملابس ولانه قصير مايلحق فهو يتشعبط فيه

الله يهديه ويصلحه

بس بصراحة كذا احس بتعقيد كل شيء مقفل عليه مااقدر اخذ راحتي في اي شيء لازم صك وافتح وقفل واشيل المفاتيح تعبت مره منه

كيف اغير سلوكياته هذي لاتقولون اني عودته هو كذا من يوم عمره سنة من حاله تعلم كل شيء خطير

تعببببببببت والله الله يهديه ويصلحه
على فكره هو ترررررررررررك هالاشياء تماما من بعد رمضان الين الحج وتعدل وارتحت وقلت الحمدلله كبر وفهم بس الحين رجع زي اول

احيانا يابنات افقد اعصابي واضربه لانه في لحظه يروح للاشياء الخطيرة واخاف بسوي شيء بنفسه واحيانا اتكلم معه بس مايفهم احسه مايفهم اللي اقوله ولايسويه جربت الشطة مانفعت جربت المكافأة مانفعت

الله يهديه ويصلحه ............... عطوني حل تعبت


((على فكره اشتريت له مكنسة كهربائية لعبه ومكوى وكواية لعبه ومطبخ وقدور وكل شيء بس مايحبها ولايسوي فيها واذا قلت له كنس بمكنستك يرميها:angry2: وماحب هالاشياء مررررره يعني احيانا يلعب بها بس مو متعلق فيها زي الحقيقية))

الخلاصة
يعني عقاب وضرب مايفيد
نصح وتوجيه ومكافاه ماتفيد حاولت اكثر من مره اعطيني المكنسة واعطيك حلاوة او كورة يعطيني المكنسة وياخذ الحلاوة واذا خلصت رجع للمكنسة
اشيل هالاشياء عنه يبقى متعلق فيها واي فرصه لو ثانية يروح لها وتعب علي كل شيء مقفل ومصكك عليه بعدين اول ماينفتح المطبخ ركض على باب الفرن يفتحه اول ماينفتح المجلس ركض على المكنسة
اخلي هالاشياء معه اخاف عليه لاانها خطيره ولايمل منها الين انا امل واخذه منه بالقوة ويقعد يصييييييييييييح :angry2: وهكذا