ولدي يحب راس المدرسين

الأمومة والطفل

السلام عليكم ورحمة الله وبركاته
كيفكم بنات
اخباركم
بنات عندي سالفه وابي رايكم لاهنتو
ولدي صف ثاني ابتدائي اليوم جاني يقول انا كل استاذ يدخل الفصل اقوم واحب راسه
والاولاد يضحكون على لانهم مشاغبين
قمت قلتله مايصلح تحب راس المدرس المفروض تحترمه وبس
قال لا ابي اخذ اجر
المهم انا عصبيه عليه نوعا ما واذا تكلم على خواله اقوله اعتذر مع انهم هم اللي يعصبون فيه وامي تقولي ماعليك من احد لاتخلينه يتاسف من احد
المهم احس ان ماله شخصيه واذا زاعله احد راح يركض له ويتسامح منه
مع العلم اني قبل سنتسن ضربته كف جااامد قدام عيال عمانه لانه ماسمع كلامي وقعد يتهاوش معهم مع انهم هم الغلطانين
بنات معليش بس كلامي مو مرتب مااعرف ادافع عنه ودايم اهاوشه قدام الناس واذا تكلم سكته
بالعربي احس اني مااعرف اربي
امس اخوي كان عندي وبنته عمرها 4سنوات وغثت ولدي تخرب عليه اللابتوب قام ولدي هاوشها قال ابعدي
قام اخوي صرخ عليه وفال لاتهاوشها ولا قال لبنته شي
المشكله اني ساكته ولا قلت شي
يعني ماخليت لولدي شخصيه قدام الناس ابي رايكم ياحلوات
5
734

يلزم عليك تسجيل الدخول أولًا لكتابة تعليق.

تسجيل دخول

بنت نوره والنعم
انتي قلتيها ماخليت لولدي شخصيه قدام الناس
لاتسمحين لأحد يمد يده عليه وانتي موجوده او يهاوشه قدامك حتى لو اخوانك..
وخلي ردك انا امه وانا الوحيده الي اادبه
ياخوفي يكون ذاك الكف الي عطيتيه اياه قدام اولاد عمه جدع ثقته بنفسه
لاتزعلين تراني صريحه مره
الوردة البيضاء-80
طيب اختي انا اعترف اني غلطانه بس هل فيه مجال اصلح غلطي مع انه جرئ دايم ويرد على اللي قدامه ولا يحسب لاحد بس احيانا مدري وش فيه
رقي
رقي
انتي راح تدمرين ولدج بتصرفاتج
ليش كف وقدام الناس بعد
لازم تمدحينه قدام الناس
شكشوكةمالحة
شكشوكةمالحة
UPPPP
زينة الورود
زينة الورود
UPPPP
UPPPP
انا برأيي انك ما تعزري ابنك قدام الناس لو شو ما كان الغلط خذيه على غرفة(وحتى لو كنتي ببيت حدا) واحكي معاه او بهدليه اواضربيه لكن انتي واياه بس.
ولا تنصري (مين من كان) على ابنك حتى ولو كان غلطان... فهميه غلطه بينك وبينه
ولو لقيتيه يتمشكل مع ولاد بعمره لا تتداخلي وخليه هو ياخذ حقو..
ولا تسمحي لاي حدا ولو كان من اهلك او اهل زوجك انو يبهدل ابنك او يعزرو
لا تنسي انو ابنك الي بين ايديكي راح يصير بيوم من الايام راجل فلازم تربيه على هذا الاساس وتقوي شخصيته
وحطي دايما في بالك وقولي للناس قيمة ابني من قيمتي
والله يحميه