ياقلبي عادي كثيييير زيه
بس على قولة الاخت قللي رضعات النهار عشان يحس بالجوع
ويمكن انه يسنن التسنين يقلل الشهيه
الله يخليه لك ويفرح قلبك فيه

الله يحفظه لك ويرزقك بره وصلاحه

ما اعرف ..بس رفع

والله انا مثلك لدرجة ان حتى امي قالت اول مره اشوف زي ولدك ربيت 7 ماشفت مثل مزاجه
كل شيء يرفضه متعلق برضاعته حتى العصاير طازجه ولا عاديه يرفضها يرمي رضاعته يبغى بس حليب
لكن قبل السنه ونص كان ماشاء الله يأكل كل شيء بس كبر جنني
وامي كانت تبغى تعطيه فاتح شهيه لكن ابوي متخصص صيدله واخوي دكتور رفضو الموضوع
قالو لا مايحتاج فاتح شهيه شوفوا طريقة ثانيه
فصرنا نخبي رضاعته ويجوع وياكل ولايشوفها الا وقت النوم فالظلام مع بطانيته
يصحى الصبح مايشوفها فلازم ياكل ويشرب بكوب عوديه انها بس للنوم
والحمدلله رجع يأكل

لاتخافين. في اطفال كذا. شهيتهم ضعيفه

مره الطبيب يقول. ان الطفل. ياخذ كفايته بس

وفي اطفال ماشاءالله. شهيتهم مفتوحه فياخذ ةفايته ويزيد

لاتقلقين. ابد اهم شي الحليب الان وعرضيه للشمس

وحطي الاكل على طاوله قريبه متي ماجاع بياكل

الله يخليه. لك ويقر عينك. به

السلام عليكم
أختي ممكن يكون في ولدك عظيم هو مايخلي الطفل ياكل ويرجع ويكون نحيف شوفي الحريم الكبار يعرفونه وفي موضوع لاخت معنا في المنتدى عن العظيم ابحثي عنه
واذا انت بالرياض فيه الدكتور محمد حموده يعرف للعظيم ويرفعه في مستوصف الشمال بالنسيم
وان شاء الله تتطمنين على ولدك