كوبونات الراقية تسجيل الدخول

أم رزونة
أم رزونة •
شوفي حبيبتي
انا بنتي رزونة جبتها بعد ما خلصت التاسع يعني مو من الاطفال الخدج
وكانت تزوع من الخشم فقط
الفم ولا نقطة تنزل منه
وكانت تنكتم ما تقدر تتنفس
عشن كذا كنت دايم اراقبها وعيني عليها واذا بغيت انام استودعها ربي لاني اخاف ترجع وانا نايمة وما ادري عنها
ووديتها للدكتور اكثر من مرة وقال لي عادي
واستمرت معها الحالة ثلاثة اشهر وبعد الثلاثة اشهر خفت بالتدريج الين اختفت نهائيا بعد ما كملت اربع شهور والحمد لله
بس شوفي حبيبتي
حاولي ما تكثرين كمية الحليب او الرضعات اللي يرضعها عشن لا يقعد كل شوي يرجع
وانتبهي له لا ينكتم وانتي منتي عنده
ووديه للدكتور يمكن يقدر يفيدك اكثر
والله يحفظه لك يارب
.*.أم عبد الله.*.
.*.أم عبد الله.*. •
أختي عبد الله كان كذا ، كان الترجيع -أعزكم الله - يطلع من أنفه وفمه ، ويختنق وحالته حالة صعبة ، وقالوا لي طبيعي مادام طوله يزيد ووزنه يزيد ..

بس كنت أحطه دائمًا على جنبه حتى ما يرجع وأنا بعيدة عنه ويختنق ، والحين صار رأسه طولاني :)

وخف ترجيعه لما بديت ءأكله في السادس ، وتوقف تمامًا عند تمام السنة ولله الحمد ..

والحمد لله الحين صار : (( رزال مع الرزازيل ، أبس سوب وماخ )) الترجمة : رجل مع الرجاجيل ، ألبس ثوب وشماغ :)
محيــــــوووســــة
محيــــــوووســــة •
انا ولدي عمره شهرين ومعاه نفس الشئ وقال لي الدكتور عادي مع انه يضيضق الصدر اذا استرجع من اانفه
مجنونة قطر
مجنونة قطر •
انا بعد لاحظت هالشي على عيالي .. وماتصورون بنتي شلون يصير ويهها ... بس هي احسن من اخوها عالاقل تقدر تصرخ لكن ولدي ينكتم الصوت عنده .. وما اسمعه فديته ... يتم مكتوم مثل المخنووووق
وايد اخاف عليهم وماروح عنهم بعيد الا لازم احد يكون قاعد عندهم ...
يوم كنت في المستشفى توني والده علمتني الممرضه ان اقلبها على بطنها واضرب ظهرها لين ماتفج الشرقه عنها .. بس بعد اخاف :(
بحر دبي
بحر دبي •
مجنونة قطر مجنونة قطر :
انا بعد لاحظت هالشي على عيالي .. وماتصورون بنتي شلون يصير ويهها ... بس هي احسن من اخوها عالاقل تقدر تصرخ لكن ولدي ينكتم الصوت عنده .. وما اسمعه فديته ... يتم مكتوم مثل المخنووووق وايد اخاف عليهم وماروح عنهم بعيد الا لازم احد يكون قاعد عندهم ... يوم كنت في المستشفى توني والده علمتني الممرضه ان اقلبها على بطنها واضرب ظهرها لين ماتفج الشرقه عنها .. بس بعد اخاف :(
انا بعد لاحظت هالشي على عيالي .. وماتصورون بنتي شلون يصير ويهها ... بس هي احسن من اخوها عالاقل...
والله رحت عند دكتور ثاني وغير لي الحليب .. وبشوف شو بيصير ..
لانه قال لي انه ولدي فتحة بطنه صغيرة ..