ولدي يعاندني ,,,,,,,,,,,ابغى حل

هم كذا الصغار حاولي تسايسينه واقري عليه عطيه ماي مقري عليه واقري عليه ايات الطمئنينه يمكن فيه شي الولد
الله يخليك ويخليه لك

الله يجزاكم عني كل خير على تجاوبكم معايا

الله يهديه يارب بس ترى توه صغير

إذا بدى يعاند لا تعانديه ,, طنشيه ولو بكى خليه يبكي لا تناظرينه ابد ,,

اهم شي لو عاند يبغى شي لا تعطيه اياه ,,


لو بدى يضرب او يقول كلام وصخ سوي نفسك مو منتبهة لكن لو عادها بشكل متواصل عاقبيه ,,


دائماً شجعيه بكلام حلو مثل يا بطل ,, يا شاطر ,, يا عسل ... الخ


لو سوى اي شي كويس لو بسيط افرحي فيه وعلمي الي عندك لما تروحين لامك او ام زوجك ولما يجي ابوه علميه قولي فلان البطل سوى كذا وانفخي راسه خخخخخخخخخخخ


الله يعينك لو قرب على الثلاث سنوات ,, انا اسميها triple trouble المشاكل الثلاثية ,,


الطفل في هالسن يبغى له طولة بال ولا تضربينه ابداً ,,

الله يحفظه لك

انا ولدي عمره سنتين ما اقول فيه عناد لا
لكن بدا يثبت نفسه في البيت بشغلات مزعجه :22:

وانا مره عصبيه

بس الحمدلله عرفت له قبل لا يتمادى

بقولك مثال مع انك ما وضحتي بايش يعاند

ولدي بدا يفتح الحمامات وما القاه الا لاعب بالحمام المهم في البدايه كنت هواش و تغيير ملابس ووووو

مره من المرات بالصدفه كنت في المطبخ مشغوله التفت الا الاقيه يبغى يفتج باب الحمام وناظرني وهو يفتح وكان يبتسم يستناني اهاوش وانا ما اقدر اجي كنت اقطع او مدري نسيت المهم

جيت قلت له حبيبي سكر الباب جاء قاالي يحبي له اسكااا << تصغير للكلمه

فرح اني امره او امسك مسؤليه واقوله سو كذا << يعني عكس اللي راح يسويه

او مثلا يبغى يلعب في كرتون المناديل علشان يطلع كل المناديل
اجي اقول حبيبي قوم حطه فوق الطاوله ينبسط مررره ويحطه

طبعا ينسبط لاني اخليه هو يقوم بالشي ما اجي انا واسكر الباب او اصرخ واخذ المناديل وارفعه

بس يبيلهم متابعه يعني باليوم عشرين مرره يعيدها :06:بس اخليه هو يقوم بالمهمه
يعني لو مااكون عنده او اسمع صوت فتح للباب يكمل ويدخل
والمناديل لو ماني عنده القى الصاله مليانه مناديل
يعني اذا ما امرته في وقتها يكمل اللي ناوي عليه لا نه ما يفهم صغير

يعني لا تحطي في بالك انه من اول مره ماراح يعيده يعني ولدي الله يصلحه يرجع يفتح باب الحمام كذا مرره في اليوم بس احاول اسايسه

مع اني عارفه في قطعه تنحط على مقبض الباب ما يقدر يفتحه الا الكبارين بس ما ودي اعوده على هالشي انو كل شي مقفل عنه او مرفوع عنه .. ويصير بعدين عنده هجوم :30:

نسيت اقولك بعد كل شغله قول لي شاطر

مررره ينبسط ولدي حفظها من كثر ما اقولها :09: يرجع يقول سادل:hahaha:

الله يصلحهم يارب ان شاء الله الفكره وضحت ..