عواطف تركي :

ولدك في مرحلة التقليد الاعمى يعني خام تشكلينه مثل ماتحبين تأكدي مين يصاحب ومين يتابع ومين يحب من المشاهير وبتعرفين انهم مثله الاعلى وقدوته في اللبس وستايل الشعر ويمكن حتى بعض الامور اللي ينشرونها الحين هذا دور الوالد المربي والام المربيه انكم تكونون قريبين منه بعض الشيء وتعطونه مجال اكيد يعبر عن نفسه ويتعلم يتخذ قرارات ويتحمل نتيجتها لكن مسؤليتكم التوجيه والمراقبه عند بعد نصيحه عظيمه وفوائدها لا تقدر بثمن الولد الان في مرحلة التأسيس وبناء الشخصيه خذوه مجالس الرجال يختلط فيهم ويقلطهم ويقهويهم ويهلي ويرحب فيهم لان هذا الواقع الحقيقي وليس واقع المشاهير المزيف مع ان هذا الشي تافه لكن يغرس في الولد ان المرجله مثل بابا وعمو وخالو واصحابهم وافضل طريقة لاقناع الاطفال بأمر معين هي النقاش والمحاوره على هيئه سؤال منكم وجواب منهم يعني تخلونهم يفكرون ويستنتجون الصح والغلط يعني اسأليه ليش يحب تعليق السلسال ؟ وهل يشوفها حلوه ومناسبه له كرجال ؟ وابدأي استدرجيه بالاسئله مثلاً وش رايك اذا بابا علق سلسال ؟ و عمك فلان وخالك فلان ؟ وش رايك اذا لبسوا سلسال ودخلوا عند الرجال الثانيين جاركم جدكم ؟ وش رايك اذا لبسها ودخل عندك المدرسه وقابل المدرسين لابس سلاسل ؟ طيب وش رايك اذا ضحكوا الناس على بابا وهو لابسها لان كل الرجال المسلمين مايلبسونها وابدأي وضحي له الحكم الشرعي بدون تعقيد ووضحي له ان المسلم يختلف عن الغير مسلم في بعض الامور المسموحه والممنوعه وعاد تفنني في طرح الامثله حسب عمره مثلاً قولي ماما تطلع بدون حجاب او لبس غير محتشم بالشارع مثل الاجنبيات عادي ولا ؟ وتدرجي معه وهو بيناقش تفكيره مع نفسه ويصير عنده رقابه ذاتيه انتبهي لولدك لان احتمال يبدأ يدخن بحجة انا صرت كبير وانا رجال

ولدك في مرحلة التقليد الاعمى يعني خام تشكلينه مثل ماتحبين تأكدي مين يصاحب ومين يتابع ومين يحب من...

جورجيو أرماني :

سبحان الله ولدي قد ولدك بس اشوفه تغير بشي واحد بدا يطالع شباب على اليوتيوب اول يشوف براعم والحين يشوف شباب البومب وكل شوي جايبلي حركه عربجيه يدخل علي بالمطبخ ويرقعن مع كتفي ويقولي ولايهمك ياشيخ 😭😭 يطبق حركات الشباب علي وانا مسكينه ويحب السيارات والالكترونيات والمفاتيح اللي بريموت ..بس بهاذي الاشيا تغير ولدي ولا اللبس والشعر مايهتم كلهن علي اللي البسه يلبسه ..بالنسبه لولدك اشوفه طبيعي تصرفاته انه يهتم بالكوره ولبس الكوره والاشيا الشبابيه ..بس من ناحية سلسله وخرابيط امنعيه قولي هاذي الاشيا مو للرجال ياماما بس للحريم بهدوء بدون صراخ بعدين يكرهه اسلوبك وكلامك ونصايحك له الله يخليه لك💗

سبحان الله ولدي قد ولدك بس اشوفه تغير بشي واحد بدا يطالع شباب على اليوتيوب اول يشوف براعم والحين...