Mrs. SuNsHiNe
Mrs. SuNsHiNe
المهاد ضروري جداً للياهل عمره شهر وما يريده ؟؟ احس بتتعبي معاه وايد بعدين انا عندي سبعة ما شاءالله وكلهم مهدتهم ومنهم لين يكملون السنة بس اذكر قبل اصغر واحد ما امهده وايد تعبني بنومه وحركته حتى جاله مصع الحين اخر العنقود عمره ثلاث شهور ما يبي المهاد بس مو بكيفه اغصبه عليه واربطه يبكي شوي بعدين يرضخ وينام
المهاد ضروري جداً للياهل عمره شهر وما يريده ؟؟ احس بتتعبي معاه وايد بعدين انا عندي سبعة ما...
صادقه يبغالي اعوده عليه لو في الليل عالأقل



اها كويس اهم شي رأي طبي

شفتي التحكم بس

الله يحفظ لك عيالك



ههههههه الله يسعد قلبه و يحفظه



صح انا ارحمه من كذه



اجل احنا موضه جديده بدون مهاد خخخخخ



ههههههه نفس حالتي شكل البيبي بالمهاد مثل الشاورما و لا اولأمي كنه دوده خخخخخ

ربي يحفظ لك بنتك و يشفي ولدي من الفتاق



الله يسعد لك عيالك و يرزقك برهم

يا ليت اعرف كيف ارجعه مرتاعه لان الدكتور يقول لو زاد يسبب له اختناق في الأمعاء و انا بموووووت من الخوف عليه لا يحولونه جراحه


يا قلبي يمكن المهاد يهديه و يحس انه ملموم

مشكله هالعيال ممشين كلامهم علينا و على قولة امي انه الطفل هو اللي يربيك مو انتي تربينه لووووول



هههههههه شكلها مسويتها مثل الشاورما خخخخخخ

زين طمنتيني الله يخلي لك عيالك و يرزقك برهم



الله يرزقك بر عيالك

هذا خوفي عليه لا يضره انه تاركته بدون مهاد بس الأخ ممشي كلامه الله يصلح قلبه
ام الغوالي 88
ام الغوالي 88
لا اختي مو قصة ممشي كلامه انا عشانك شكله اول ولد بس جد يتعبك لازم انتي تعوديه على نظامك
*(عسل)*
*(عسل)*
انا مهدت ولدي شهر وماكان يقدر ينام

اول مافكيت عنه المهاد قام يحط يده تحت خدة وينام او تحت رقبته

هههه
كان متضايق وانا بكريه بعيدة عن هلي فما اعرف هالسوالف
مناجاة الله
مناجاة الله
حبيبتي أذا كتنت تقصدين فتاق الأربي فماعلاجه الا الجراحة خاصة اذا شفتي المنطقة منفوخة ويطلع اصوات منها حتى لو ظلت مكانها يكون دايم يدك على قلبك لا يصير له اختناق بس طالما أن عمره أقل من شهر فممكن تقدري تأخري الجراحة ألا أن يكمل السنة بس عليك الحرص الدائم أنه لايبكي ولايصير له أمساك وتطالعي دوم أذا هي في مكانها أو لا وولدي كان عنده والحمدلله صار طيب والعملية مااستغرقت ربع ساعة ويخرج من يوم العملية ويرضع بعد ساعة من وقتها إالا أذا كان نوع من الفتاق عند ولدك فممكن
يتعالج بدون عملية
أما فتاق السرة فعلاجه هو ضعي الطفل على بطنه مع المراقبة طبعا وتخليه فترة صحوته وخاصة عندما يبدأ يتحرك ولما يبدأ ولدك يرفع راسه هذا الشيء يشد عضلات بطنه أكثر ويروح في فترة أقل من شهر وهذا الشيء عن تجربة مع ولدي كان عنده الفتاق مخيف و كبير ولما صرت أحطه على بطنه الحمدلله راح عنه الفتاق وإن شاء الله أفدتك
وبالنسبة للمهاد ماأييد هذا الشيء لأنه يقيد حركته فالحركات تنمي مهارات الطفل وهذا كلام الدكتور ويساعده على النمو أكثر
Medo1409
Medo1409
يمكن يريحه هو بس انا اتضايق مشاويري لازم مهاد وسرير والله ماعاد اروح الاالي امون عليهم
تخيلي شكلي داخله على الحريم بسريره وش بقولون عني واااااااااااي فشله
ربي يخليه لي