ولد اختي وشخصيته الضعيفه .. محتاجه آرائكم ..

السلام عليكم ورحمة الله وبركاته ..

يابنات انا ولد اختي عمره 5 سنوات .. يدرس بالروضة الحين ..

لكن البلاء بشخصيته ضعييييييييفه وخوااااااااااااف لابعد حد ومايسمع الكلام ابدد .. واحيانا اذا قلنا له جيب لنا كذا وكذا مايسمع و لازم تعيدينها مره ثانيه وتقولين له جيب كذا وكذا ..

ويابنات لو احد صرخ بوجهه خاااف وجلس لحاله مالعب ولا شي .. مع ان بيتنا كله صراخ بصراخ .. الي يخرب والي يكسر والي والي .. يعني ماتشوفوننا غير نصارخ على فلان وعلان بس هو بالذااات من بين كل الصغار الي عندنا الي يجلس ولازم نقنعه علشان يرجع يلعب !!

واذا كنا بمكان عام ( مثل حديقه ولا ملاهي ) وشاف شي يخوفه او احد هاوشه ( تعرفون الصغار الي بالحدايق والملاهي بعضهم يضرب ويهاوش ) يجي يجلس عندنا و مايلعب لين احد يروح معه !!

و اذا احد ضربه او غلط عليه يجي ويجلس بزاويه او ورا الباب ومايقول فلان ضربني !!

مره كان يلعب برا هو واخوه الصغير وجت الخدامه هاوشته لانه ركب بسيارة اخوه الصغير وجاء داخل وجلس بالصاله ولا قال شي يوم سألناه وشفيك ليه ماتلعب ؟ قال الخدامه هاوشتني !!

وداااااااايم يضرب اخوه الي اصغر منه واخته الي اكبر منه .. بس حاط حيله فيهم .. واحنا غصب نهاوشه واحيانا مايهممممممممه ابد يكمل ولا كأنك قاعده تهاوشينه ..

احيانا احس ان شخصيته متناقضه ..

هذا اول شي بالنسبه لشخصيته ..

الشي الثاني ..

طريقته بالأكل ينثر ويحوس .. تعبنا معاه واحنا نعلمه بس مافي فايده :(

انا مره خذيته من اختي اسبوعين تقريبا وصرت احط له الجدول الي اذا سوا شي صح حطيت له وجه طيب واذا اخطأ حطيت له وجه شرير وصرت اعلمه يأكل زين واقول له لا تنثر ترا الشيطان ياكل اكلك الي نثرته ويصير قوي ..
وتعدل الفتره هذي كلها ..

ويوم رجع لبيتهم اعطيت امه الجدول ومشت عليه بالبدايه كان زين ومتعدل وبعدين رجعت حليمه لعادتها القديمه ..

واختي سجلته هالترم بالروضه تبي شخصيته تصير أقوى وتتغير للأفضل ..

وراحت معه اول يوم بعدين انا صرت اروح معه بدال امه لاني فاضيه وامه معلمه .. تخيلوا يابنات كل العالم يلعبون مع بعض وهو جالس يحفر بالتراب لحاله !! :44:

والله يابنات انا ارحمــه وماودي يصير بهالضعف ومستعدين نسوي اي شي علشانه ( طبعا انا وامه لان ابوه مافيه امل يساعد بشي وابوه عصبي احيانا يصرخ بوجيه عياله وكلهم يخافون منه يعني غاسلين يديننا منه )


شرايكم يابنات وش نسوي علشان تتعدل شخصيته .. لان شخصية الانسان تتكون بهالعمر واذا ماتعدلت شخصيته الحين ماراح تتعدل بعدين ..

انتظر آرائكم ..

والله يجزاكم الجنة ..